Qyzylorda oblysynda Jappai kásipkerlikti damytý jyly dep jariialanǵan 2018 jyldyń qorytyndysy boiynsha 8 úzdik startap-kásipkerge 1 million teńge syiaqy beriledi.
Qyzylorda oblysynyń Jańaqorǵan jáne Shieli aýdandarynda múddeli memlekettik organdar men qarjy institýttary ókilderiniń qatysýymen kásipkerlikti damytý boiynsha kóshpeli jiyndar ótti.
Jiyn basynda oblys ákimi Qyrymbek Kósherbaev jappai kásipkerliktiń damýy turaqty jumys oryndarynyń qurylýyna, salyq bazasynyń kóbeiýine jáne áleýmettik turaqtylyqty qamtamasyz etýge tikelei áser etetinin atap ótti.
«Bizdiń mindetimiz – aýyldyq jerlerde kásipkerlikti damytý jáne qoldaý, sondyqtan jyl qorytyndysy boiynsha biyl kásibin bastaǵan ár aýdan men oblys ortalyǵynda úzdik startap-kásipkerlerdi, sondai-aq, úzdik aýdan ákimi men jaýapty laýazymdy tulǵany 1 million teńge kóleminde syiaqymen marapattaý týraly sheshim qabyldadyq», - dedi aimaq basshysy.
Sonymen qatar, oblys ákimi qoiylǵan mindetterin oryndai almaǵan laýazymdy tulǵalar jaýapkershilikke tartylatynyn da eskertti.
Óz kezeginde, aýdan ákimderi men qarjy institýttarynyń basshylary shaǵyn jáne orta biznesti damytý barysy týraly baiandap berdi. Atap aitqanda, Jańaqorǵan aýdanynyń ákimi Ǵalym Ámireev jergilikti mamandar Qyrǵyzstan men Ózbekstannyń jylyjai biznesin damytý boiynsha tájiribesin, sondai-aq, Qazaq kartop jáne kókónis sharýashylyǵy ǵylymi-zertteý institýty men ózge de salalyq uiymdardyń ozyq tájiribelerin engizip jatqanyn baiandady. Odan bólek, aýyldyq jastardy «Zhasproject» startap-jobalardy qoldaý baǵdarlamasyna qatysyp, óz isin bastaýǵa grant jáne jobany júzege asyrý kezinde qarjylyq qoldaý alýǵa tartý boiynsha jumys júrgizilip jatyr. Jańadan kásibin bastaǵan biznesmender úshin tájiribe almasyp, óz isin ashýdyń algoritmin úiretý maqsatynda «Agroekspress» seminary uiymdastyryldy.
Shieli aýdanynda aǵymdaǵy jyldyń 1 mamyryna 4 658 shaǵyn jáne orta biznes sýbektileri tirkeldi, onyń ishinde belsendi sýbektileriniń sany 3456. Ótken jyldyń tiisti merzimimen salystyrǵanda jumys istep jatqan shaǵyn jáne orta biznes sýbektileriniń sany 12,8 paiyzǵa artty. Jyl basynan beri konkýrstyq komissiia tarapynan jalpy quny 15,3 mln. teńge 24 startap-joba maquldanyp, «Óńirlik investitsiialyq ortalyǵy» uiymy arqyly jalpy quny 117,1 mln. teńge 31 joba qarjylandyryldy.
Jiyn qorytyndysymen oblys ákimi aýdandarda shaǵyn jáne orta biznesti damytý boiynsha jumysty kúsheitip, qoldanystaǵy barlyq qoldaý tetikterin tiimdi paidalanýdy tapsyrdy.
Sondai-aq, Shieli aýdanynyń Tartoǵai aýylynda 90 oryndyq «Qulager» balabaqshasy ashyldy. Buryn balabaqsha aýyldyq mekteptiń eski ǵimaratynda ornalasqan bolatyn.
Esterińizge sala keteiik, Qyzylorda oblysynda 2018 jyl Jappai kásipkerlikti qoldaý jyly dep jariialanǵan bolatyn.
Qyzylorda oblysynda 40 myńǵa jýyq naqty jumys isteitin shaǵyn jáne orta biznes sýbektileri tirkelgen, bul kórsetkish 2017 jyldyń tiisti kezeńimen salystyrǵanda 10,8 paiyzǵa artty.
Shaǵyn jáne orta biznes kásiporyndarynda jumyspen qamtylǵandardyń sany 2018 j. 1 qańtaryna 84250 adam, al shyǵarylǵan ónim kólemi 2017 jyldyń qorytyndysymen 302,186 mlrd. teńgeni qurady. 2018 j. qańtar-sáýir ailarynda aimaqta 2476 jeke kásipker, 78 sharýa qojalyǵy jáne 240 JShS quryldy.
Sondai-aq, óńirde «Bastaý-Biznes» baǵdarlamasy aiasynda 1600 adamdy oqytý josparlanǵan. Qazirgi tańda qatysýshylardyń alǵashqy legi oqýdy bitirip, biznes-jobalaryn oblystq komissiia otyrysynda qorǵady. 291 adam oqý kýrstaryn bitirip, 127-si jobasyn qorǵap shyqty. Taǵy da 800 jýyq kásipker «Biznes-Keńesshi» jobasy aiasynda oqytylatyn bolady, búgingi kúni oblys boiynsha 1171 adam oqý bitirdi.
