قىزىلوردا وبلىسىندا جاپپاي كەسٸپكەرلٸكتٸ دامىتۋ جىلى دەپ جارييالانعان 2018 جىلدىڭ قورىتىندىسى بويىنشا 8 ٷزدٸك ستارتاپ-كەسٸپكەرگە 1 ميلليون تەڭگە سىياقى بەرٸلەدٸ.
قىزىلوردا وبلىسىنىڭ جاڭاقورعان جەنە شيەلٸ اۋداندارىندا مٷددەلٸ مەملەكەتتٸك ورگاندار مەن قارجى ينستيتۋتتارى ٶكٸلدەرٸنٸڭ قاتىسۋىمەن كەسٸپكەرلٸكتٸ دامىتۋ بويىنشا كٶشپەلٸ جيىندار ٶتتٸ.
جيىن باسىندا وبلىس ەكٸمٸ قىرىمبەك كٶشەرباەۆ جاپپاي كەسٸپكەرلٸكتٸڭ دامۋى تۇراقتى جۇمىس ورىندارىنىڭ قۇرىلۋىنا, سالىق بازاسىنىڭ كٶبەيۋٸنە جەنە ەلەۋمەتتٸك تۇراقتىلىقتى قامتاماسىز ەتۋگە تٸكەلەي ەسەر ەتەتٸنٸن اتاپ ٶتتٸ.
«بٸزدٸڭ مٸندەتٸمٸز – اۋىلدىق جەرلەردە كەسٸپكەرلٸكتٸ دامىتۋ جەنە قولداۋ, سوندىقتان جىل قورىتىندىسى بويىنشا بيىل كەسٸبٸن باستاعان ەر اۋدان مەن وبلىس ورتالىعىندا ٷزدٸك ستارتاپ-كەسٸپكەرلەردٸ, سونداي-اق, ٷزدٸك اۋدان ەكٸمٸ مەن جاۋاپتى لاۋازىمدى تۇلعانى 1 ميلليون تەڭگە كٶلەمٸندە سىياقىمەن ماراپاتتاۋ تۋرالى شەشٸم قابىلدادىق», - دەدٸ ايماق باسشىسى.
سونىمەن قاتار, وبلىس ەكٸمٸ قويىلعان مٸندەتتەرٸن ورىنداي الماعان لاۋازىمدى تۇلعالار جاۋاپكەرشٸلٸككە تارتىلاتىنىن دا ەسكەرتتٸ.
ٶز كەزەگٸندە, اۋدان ەكٸمدەرٸ مەن قارجى ينستيتۋتتارىنىڭ باسشىلارى شاعىن جەنە ورتا بيزنەستٸ دامىتۋ بارىسى تۋرالى بايانداپ بەردٸ. اتاپ ايتقاندا, جاڭاقورعان اۋدانىنىڭ ەكٸمٸ عالىم ەمٸرەەۆ جەرگٸلٸكتٸ ماماندار قىرعىزستان مەن ٶزبەكستاننىڭ جىلىجاي بيزنەسٸن دامىتۋ بويىنشا تەجٸريبەسٸن, سونداي-اق, قازاق كارتوپ جەنە كٶكٶنٸس شارۋاشىلىعى عىلىمي-زەرتتەۋ ينستيتۋتى مەن ٶزگە دە سالالىق ۇيىمداردىڭ وزىق تەجٸريبەلەرٸن ەنگٸزٸپ جاتقانىن باياندادى. ودان بٶلەك, اۋىلدىق جاستاردى «Zhasproject» ستارتاپ-جوبالاردى قولداۋ باعدارلاماسىنا قاتىسىپ, ٶز ٸسٸن باستاۋعا گرانت جەنە جوبانى جٷزەگە اسىرۋ كەزٸندە قارجىلىق قولداۋ الۋعا تارتۋ بويىنشا جۇمىس جٷرگٸزٸلٸپ جاتىر. جاڭادان كەسٸبٸن باستاعان بيزنەسمەندەر ٷشٸن تەجٸريبە الماسىپ, ٶز ٸسٸن اشۋدىڭ الگوريتمٸن ٷيرەتۋ ماقساتىندا «اگروەكسپرەسس» سەمينارى ۇيىمداستىرىلدى.
شيەلٸ اۋدانىندا اعىمداعى جىلدىڭ 1 مامىرىنا 4 658 شاعىن جەنە ورتا بيزنەس سۋبەكتٸلەرٸ تٸركەلدٸ, ونىڭ ٸشٸندە بەلسەندٸ سۋبەكتٸلەرٸنٸڭ سانى 3456. ٶتكەن جىلدىڭ تيٸستٸ مەرزٸمٸمەن سالىستىرعاندا جۇمىس ٸستەپ جاتقان شاعىن جەنە ورتا بيزنەس سۋبەكتٸلەرٸنٸڭ سانى 12,8 پايىزعا ارتتى. جىل باسىنان بەرٸ كونكۋرستىق كوميسسييا تاراپىنان جالپى قۇنى 15,3 ملن. تەڭگە 24 ستارتاپ-جوبا ماقۇلدانىپ, «ٶڭٸرلٸك ينۆەستيتسييالىق ورتالىعى» ۇيىمى ارقىلى جالپى قۇنى 117,1 ملن. تەڭگە 31 جوبا قارجىلاندىرىلدى.
جيىن قورىتىندىسىمەن وبلىس ەكٸمٸ اۋدانداردا شاعىن جەنە ورتا بيزنەستٸ دامىتۋ بويىنشا جۇمىستى كٷشەيتٸپ, قولدانىستاعى بارلىق قولداۋ تەتٸكتەرٸن تيٸمدٸ پايدالانۋدى تاپسىردى.
سونداي-اق, شيەلٸ اۋدانىنىڭ تارتوعاي اۋىلىندا 90 ورىندىق «قۇلاگەر» بالاباقشاسى اشىلدى. بۇرىن بالاباقشا اۋىلدىق مەكتەپتٸڭ ەسكٸ عيماراتىندا ورنالاسقان بولاتىن.
ەستەرٸڭٸزگە سالا كەتەيٸك, قىزىلوردا وبلىسىندا 2018 جىل جاپپاي كەسٸپكەرلٸكتٸ قولداۋ جىلى دەپ جارييالانعان بولاتىن.
قىزىلوردا وبلىسىندا 40 مىڭعا جۋىق ناقتى جۇمىس ٸستەيتٸن شاعىن جەنە ورتا بيزنەس سۋبەكتٸلەرٸ تٸركەلگەن, بۇل كٶرسەتكٸش 2017 جىلدىڭ تيٸستٸ كەزەڭٸمەن سالىستىرعاندا 10,8 پايىزعا ارتتى.
شاعىن جەنە ورتا بيزنەس كەسٸپورىندارىندا جۇمىسپەن قامتىلعانداردىڭ سانى 2018 ج. 1 قاڭتارىنا 84250 ادام, ال شىعارىلعان ٶنٸم كٶلەمٸ 2017 جىلدىڭ قورىتىندىسىمەن 302,186 ملرد. تەڭگەنٸ قۇرادى. 2018 ج. قاڭتار-سەۋٸر ايلارىندا ايماقتا 2476 جەكە كەسٸپكەر, 78 شارۋا قوجالىعى جەنە 240 جشس قۇرىلدى.
سونداي-اق, ٶڭٸردە «باستاۋ-بيزنەس» باعدارلاماسى اياسىندا 1600 ادامدى وقىتۋ جوسپارلانعان. قازٸرگٸ تاڭدا قاتىسۋشىلاردىڭ العاشقى لەگٸ وقۋدى بٸتٸرٸپ, بيزنەس-جوبالارىن وبلىستق كوميسسييا وتىرىسىندا قورعادى. 291 ادام وقۋ كۋرستارىن بٸتٸرٸپ, 127-سٸ جوباسىن قورعاپ شىقتى. تاعى دا 800 جۋىق كەسٸپكەر «بيزنەس-كەڭەسشٸ» جوباسى اياسىندا وقىتىلاتىن بولادى, بٷگٸنگٸ كٷنٸ وبلىس بويىنشا 1171 ادام وقۋ بٸتٸردٸ.
