Memleket basshysynyń Joldaýynda zeinetaqy júiesiniń tiimdiligin arttyrý týraly birqatar zańǵa ózgerister engizgen bolatyn. Sonyń biri – biyldan bastap áielderdiń zeinet jasy 61 jas bolyp bekitildi. Alaida bul ózgeris aldaǵy bes jylǵa deiin saqtalady. Sonymen qatar biylǵy jyldyń 1 qańtarynan bastap eńbek sińirgen jyldary úshin jáne jasyna bailanysty zeinetaqy tólemderiniń mólsheri 10,5 paiyzǵa deiin artty.
«AMANAT» partiiasynyń Qyzylorda oblystyq filialynyń sailaýaldy baǵdarlamasynda syrboiylyqtardyń ómir súrý sapasy men ál-aýqatyn arttyrý boiynsha keshendi jumystar josparlanǵan. Bul týraly oblystyq máslihat depýtattyǵyna úmitkerler «Biryńǵai jinaqtaýshy zeinetaqy qory» AQ oblystyq filialy ujymymen kezdesýi barysynda aitty.
Úmitker Nurken Baqytbekuly sailaýaldy baǵdarlama turǵyndardyń ómir súrýi sapasy men áleýmettik jaǵdaiynyń jaqsarýyna baǵyttalǵanyn atap ótti. Onda eń áýeli azamattardy baspanamen qamtý, jumys oryndaryn ashý, infraqurylymdy jaqsartý úshin naqty ister qolǵa alynbaq.
Kezdesýde ózge de kandidattar kezek-kezek sóz aldy.
Máselen, úmitker Saǵatbek Siiýov partiia óziniń «Kedergisiz keleshek» jobasy aiasynda múmkindigi shekteýli azamattarǵa qoldaý kórsetip keledi. Sailaýaldy baǵdarlamasynda da erekshe qajettilikteri bar azamattar úshin qoǵamdyq ortada jáne mektepter men memlekettik balabaqshalarda inkliýzivti bilim berý úshin jaǵdai jasaýǵa erekshe nazar aýdaryp otyr.
«Meniń sailaýǵa túsip, Sizderdiń aldaryńyzda úgit júrgizip turýymynyń ózi erekshe qajettilikti qajet etetin azamattardyń partiia nazarynan tys qalmaityndyǵyn kórsetse kerek», - dep atap ótti ol.
Óz kezeginde, sóz alǵan Gúlshat Musaeva atalǵan maqsattarǵa jáne tiimdi nátijege qol jetkizý úshin partiianyń Ortalyq deńgeiden bastap óńirlerdegi barlyq saiasi áleýeti jumyldyrylatyndyǵyn atap ótip, «AMANAT» partiiasyna daýys berýge shaqyrdy.
Kezdesý barysynda sailaýshylar ózderin kókeidegi usynys pikirlerin bildirip, úgit nasihat toby tarapynan nazarǵa alyndy.
Tapsyrys berýshi: L.B. Tóreshova
Qyzylorda oblystyq máslihaty depýtattarynyń sailaýynda partiialyq tizimdi usynǵan «AMANAT» partiiasy sailaý qorynyń qarajatynan tólendi
