Baspana – kim-kimniń de basty armany. Al, bul baǵytta memleket tarapynan kóptegen bastama, baǵdarlamalar el kóleminde sátti júrgizilip keledi. «AMANAT» partiiasy da halyqtyń ómir súrý jaǵdailaryn jaqsartý baǵytyndaǵy jumystardy jolǵa qoiǵan. Máselen, partiianyń «Halyqpen birge!» sailaýaldy baǵdarlamasynda taiaýdaǵy 5 jylda halyqtyń suranysyna orai, sapaly turǵyn úidiń qoljetimdiligin arttyrý qarastyrylǵan. Partiia 730 myńnan astam otbasy úshin qoljetimdi baǵadaǵy 78 million sharshy metrden astam jańa turǵyn úi salý josparyn iske asyrýǵa kepil bolmaq.
Osy igi bastamalardy el boiynsha sátti júrgizip otyrǵan qurylymdardyń biri – «Qazaqstan Halyq Banki» AQ. Búgin «AMANAT» partiiasynan Qyzylorda oblystyq máslihaty depýtattyǵyna kandidattar partiianyń qalalyq filialynda bank ujymymen kezdesti.
Ashyq formattaǵy dialog alańynda oblystyq sailaýaldy baǵdarlamada 2027 jylǵa deiin barlyq qarjylandyrý kózderinen 3,5 million sharshy metr turǵyn úi salýǵa yqpal etý josparda ekeni aityldy.
Partiialastar baspana máselesimen qatar, ózge de mańyzdy taqyryptarǵa qatysty pikirlerin bildirdi. Máselen, kandidat Gúlshat Musaeva zeinet jasyn qozǵady.
«Zeinet jasyn tómendetýge qatysty usynystar jii kóteriledi. Partiialyq baǵdarlamada aýyr ónerkásipte jumys jasaityndardyń zeinet jasyn qaita qaraý týraly bastama bar. Ortasha jalaqyny, áleýmettik tólemderdi eseptegen kezde, eń tómengi jalaqy kórsetkishine súienedi. Al, ol somma ómirden múldem alshaq. Sondyqtan ortasha jalaqy kólemi arqyly esepteý týraly aitylýda. Eger, osy kórsetkishpen eseptelse, qazir áleýmettik tólemder men járdemaqylar 1,7 esege artýy múmkin» degen ol partiialyq baǵdarlamanyń 10 mindetine negiz bolǵan qoǵamnyń 10 suranysy týraly da aityp ótti.
Buǵan qosa, «Jaily mektep» baǵdarlamasynyń tiimdi tustary saralandy. Al, úmitker Nurken Baqytbekuly «Aýyl amanaty» partiialyq jobasynyń aýyl turǵyndary úshin tiimdi tustary kóp ekenin aita kele, sailaýshylardyń tolǵandyrǵan suraqtaryna jaýap berdi.
Úmitkerler ujym qyzmetkerlerin 19 naýryzda ótetin sailaýda «AMANAT» partiiasyn qoldap daýys berýge shaqyrdy.
Qyzylorda oblystyq máslihaty depýtattarynyń sailaýynda partiialyq tizimdi usynǵan «AMANAT» partiiasy cailaý qorynyń qarajatynan tólendi
