Qyzylordalyq politseiler jolda qalyp qoiǵan 600-den astam kóliktiń júrgizýshileri men jolaýshylaryna kómek kórsetti, dep habarlaidy "Ult aqparat" Ishki ister ministrliginiń baspasóz qyzmetine silteme jasap.
10 jeltoqsan kúni keshki saǵat 18:30-dan bastap «Samara - Shymkent» tasjolynyń 1240 – 1646 shaqyrymynda, iaǵni Qyzylorda oblysy Qarmaqshy aýdanynan Aqtóbe oblysynyń shekarasyna deiingi aralyqta aýa raiynyń qolaisyzdyǵyna barlyq kólik túrleriniń qozǵalysyna shekteý qoiyldy. Qyzylorda oblysy politsiia departamentiniń qyzmetkerleri oqys oqiǵanyń aldyn alý úshin táýlik boiy «Batys Eýropa – Batys Qytai» halyqaralyq avtomobil jolyn patrýldep, dereý kúsheitilgen kezekshilikke kóshti.
«Jol qaýipsizdigin qamtamasyz etý maqsatynda politsiia qyzmetkerleri joldyń 400 shaqyrym aralyǵyn jaýyp, táýlik boiy jumys istedi. Nátijesinde 440 júk kóligi, 156 jeńil jáne 10 qoǵamdyq kólikke kómek kórsetti. Jalpy 600-den astam kóliktiń 724 jolaýshysyna, onyń ishinde 240-qa jýyq áiel men 35 balaǵa kómek kórsetildi. Kezekshilik jasap júrgen politsiia qyzmetkerleri olardy jaqyn mańdaǵy keshenderge jetkizip, ystyq tamaqpen qamtamasyz etip, jaiǵastyrdy» delingen habarlamada.
Ártúrli tehnikalyq aqaýǵa bailanysty turyp qalǵan avtokólik júrgizýshileri men jolaýshylaryna alǵashqy kómek kórsetip, kólik aqaýyn jóndeý úshin jaqyn mańda ornalasqan keshenderge jetkizdi.
Kólikter avtoturaqtarǵa qoiyldy. Kóktaiǵaq saldarynan qoiylǵan shekteýge bailanysty 6 politsiia ekipajy táýlik boiy jumys istedi.
Búgin jergilikti ýaqytpen saǵat 07:00-den bastap kóktaiǵaqqa bailanysty jabylǵan jol ashylyp, qozǵalys qaita jandandy. Júrgizýshiler men jolaýshylar saparyn ári qarai jalǵastyrdy.
Qazirgi tańda respýblikalyq mańyzy bar tasjolda politseiler táýlik boiy kúsheitilgen rejimde jumys istep jatyr.
