Biyl Qyzylorda oblysynda 87,3 myń gektarǵa kúrish egildi, ortasha ónimdiligi gektaryna 54,5 tsentnerdi qurady.
Aita keteiik, joǵary ónimdi sorttardy paidalaný esebinen sońǵy 5 jylda kúrish jarmasynyń óndirisi 39 paiyzǵa artyp otyr, al osy jyldary kúrishtiń jalpy túsimi 2 esege artty.
Jalaǵash aýdanynda elevator bazasyndaǵy «Baiqońyr» agroholdingin qurý aimaqta kúrish klasterin damytýǵa yqpal etti. Aita keteiik, Y.Jaqaev atyndaǵy kúrish óndirý ǵylymi-zertteý institýty Búkilreseilik kúrish institýtymen birlesip Qyzylorda oblysy úshin arnaiy sorttardy shyǵarýda.
2017 jyly oblystaǵy kúrish sharýashylyqtarynda Iranda suranysqa ie "Torem Hoshemi" sorty ósirile bastady. Osyǵan orai, qarmaqshylyq "Aqtóbe jáne K" JShS osy sortty 70 gektar jerge ekti, al Qazalynyń "Syr Marjany" sharýashylyǵy synaqtan ótkizý úshin 1 gektar aýmaqqa ekken edi.
Atap ótý kerek, 2020 jylǵa qarai oblysta Iran kúrishiniń egistik alqaby 5 myń gektarǵa deiin ulǵaitylady, sonymen qatar, óńdelgen kúrish eksportynyń kólemin 8 myń tonnaǵa deiin jetkizý josparlanýda.
Sonymen qatar, Syr óńiriniń kúrishi Túrkmenstan, Tájikstan, Qyrǵyzstan, Resei, Belarýs, Armeniia, Ázirbaijan, Mońǵoliia, Aýǵanstan jáne t. b. elderge eksporttalatyn bolady.
Búgin Qyzylordada egin jinaý naýqanynyń aiaqtalýyna orai uiymdastyrylǵan "Altyn dán" merekesi aiasynda aýylsharýashylyǵy jármeńkeleri, mádeni-buqaralyq is-sharalar uiymdastyrylýda. Sondai-aq aimaqtaǵy aýylsharýashylyq salasynyń ardagerleri men úzdik qyzmetkerlerin marapattaý rásimi ótti.
