Qyzylorda oblysynda koronavirýs juqtyrǵan taǵy 6 adam tirkeldi. Qazir aimaqta ony juqtyrǵan barlyǵy 24 adam bar, dep habarlaidy "Ult aqparat".
Bul týraly oblystyq Densaýlyq saqtaý basqarmasynyń basshysy Jaqsylyq Abdýsametov óńirlik kommýnkikatsiialar qyzmetinde ótken brifingte málim etti.
«Sońǵy esep boiynsha Qyzylorda oblysynda koronavirýs infektsiiasyn juqtyrǵan naýqastar 24 adamdy quraidy. Búgingi tirkelgen naýqastardyń ekeýi – Qarmaqshydan shyqsa, ekeýi Jańaqorǵanda, bireýi – Shieli aýdanynda anyqtaldy. Sondai-aq, bir adam oblys ortalyǵynan tirkeldi. Qarmaqshydaǵy bir naýqas Almaty qalasynan kelgeni belgili bolyp otyr. Ekinshi naýqastyń qaidan juqtyrǵany zerttelýde. Al Jańaqorǵan aýdanyndaǵy eki adam da infektsiiany buryn juqtyrǵan naýqastarmen qarym-qatynasta bolǵandar. Shieli aýdanyndaǵy naýqastyń da jaǵdaiy soǵan uqsas, buryn aýyrǵan naýqaspen tyǵyz bailanysta bolǵan. Al, Qyzylorda qalasynda anyqtalǵan adam oblysta eń birinshi anyqtalǵan naýqaspen qarym-qatynasta, tyǵyz bailanysta bolǵan», – dedi Jaqsylyq Abdýsametov.
Basqarma basshysy oblys turǵyndarynyń saqtyq sharalaryna basa nazar aýdarý qajettgin aitady. Óitkeni, sońǵy tirkelgen naýqastar buryn juqtyrǵan adamdarmen qarym-qatynasta bolǵandar.
Budan buryn Qyzylorda qalasy men Jańaqorǵan aýdany karantinge jabyldy.
