قىزىلوردا وبلىسىندا كوروناۆيرۋس جۇقتىرعان تاعى 6 ادام تٸركەلدٸ. قازٸر ايماقتا ونى جۇقتىرعان بارلىعى 24 ادام بار, دەپ حابارلايدى "ۇلت اقپارات".
بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ ٶڭٸرلٸك كوممۋنكيكاتسييالار قىزمەتٸندە ٶتكەن بريفينگتە مەلٸم ەتتٸ.
«سوڭعى ەسەپ بويىنشا قىزىلوردا وبلىسىندا كوروناۆيرۋس ينفەكتسيياسىن جۇقتىرعان ناۋقاستار 24 ادامدى قۇرايدى. بٷگٸنگٸ تٸركەلگەن ناۋقاستاردىڭ ەكەۋٸ – قارماقشىدان شىقسا, ەكەۋٸ جاڭاقورعاندا, بٸرەۋٸ – شيەلٸ اۋدانىندا انىقتالدى. سونداي-اق, بٸر ادام وبلىس ورتالىعىنان تٸركەلدٸ. قارماقشىداعى بٸر ناۋقاس الماتى قالاسىنان كەلگەنٸ بەلگٸلٸ بولىپ وتىر. ەكٸنشٸ ناۋقاستىڭ قايدان جۇقتىرعانى زەرتتەلۋدە. ال جاڭاقورعان اۋدانىنداعى ەكٸ ادام دا ينفەكتسييانى بۇرىن جۇقتىرعان ناۋقاستارمەن قارىم-قاتىناستا بولعاندار. شيەلٸ اۋدانىنداعى ناۋقاستىڭ دا جاعدايى سوعان ۇقساس, بۇرىن اۋىرعان ناۋقاسپەن تىعىز بايلانىستا بولعان. ال, قىزىلوردا قالاسىندا انىقتالعان ادام وبلىستا ەڭ بٸرٸنشٸ انىقتالعان ناۋقاسپەن قارىم-قاتىناستا, تىعىز بايلانىستا بولعان», – دەدٸ جاقسىلىق ابدۋسامەتوۆ.
باسقارما باسشىسى وبلىس تۇرعىندارىنىڭ ساقتىق شارالارىنا باسا نازار اۋدارۋ قاجەتتگٸن ايتادى. ٶيتكەنٸ, سوڭعى تٸركەلگەن ناۋقاستار بۇرىن جۇقتىرعان ادامدارمەن قارىم-قاتىناستا بولعاندار.
بۇدان بۇرىن قىزىلوردا قالاسى مەن جاڭاقورعان اۋدانى كارانتينگە جابىلدى.
