Biylǵy Ulttyq biryńǵai testileýge mektep bitirýshi 7113 túlektiń 4742-i qatysqan. Bul kórsetkish 66,7 %-dy qurap otyr. Ulttyq biryńǵai testileýdiń qorytyndysymen oblys boiynsha túlekterdiń ortasha baly 85,82%. Aimaqta 100 baldan joǵary jinaǵan bala sany ótken jyldarmen salystyrǵanda 30% ǵa ósken. Bul týraly búgin Óńirlik kommýnikatsiialar qyzmetinde ótken baspasóz konferentsiiasynda oblystyq bilim basqarmasy basshysynyń orynbasary Aqzira Qasymova málimdedi, dep habarlaidy "Ult aqparat".
2018 jyly bilim berý grantyn ielengenderdiń sany – 2732 bolsa, 751 túlek «Serpin» baǵdarlamasy boiynsha oqýǵa túsken, al oblys ákiminiń grantymen – 205 jas bilim alatyn bolady.
Sondai-aq, grant iegerleriniń 1236-y tehnikalyq ǵylymdar jáne tehnologiia mamandyqtary boiynsha, 696-pedagogikalyq mamandyq, 283-aýyl sharýashylyǵy salasy boiynsha oqýǵa tústi. Sonymen birge, densaýlyq saqtaý salasyna 207, qyzmet kórsetý- 155, áleýmettik ǵylymdar, ekonomika jáne biznes - 113, óner salasy boiynsha - 42 grant qyzylordalyq jastarǵa tiesili.
Al memorandým boiynsha Resei Federatsiiasynyń aldyńǵy qatarly joǵary oqý oryndarynyń grantyn ielengender sany – 70. Naqtylap aitqanda, K. A. Timiriazev atyndaǵy aýylsharýashylyq akademiiasy, Máskeý energetikalyq institýty, Sankt-Peterbýrg memlekettik óndiristik tehnologiia jáne dizain ýniversiteti bitirýshi túlekterdi oqýǵa qabyldaidy.
Sonymen qatar, elimizdegi oqý oryndary rektorlarynyń 43granty bólinip, joǵarǵy áskeri oqý oryndaryna 39 túlek túsken. Al shet elderde bilim alý múmkindigine ie bolǵandardyń sany – 29 qurady.
"Aita ketetin taǵy bir jait, biylǵy oqý jylynda Astana qalasy EvrAzES Parlamentaralyq Assambleia janyndaǵy Sankt-Peterbýrg ýniversitetimen oblys ákimdigi arasynda jasalǵan Memorandýmǵa sai atalǵan bilim ordasy 10 túlegimizge bilim berýge ázir", - dedi A.Qasymova.
Oblystaǵy kórsetkish boiynsha Ulttyq biryńǵai testileýge qatysyp, 100 jáne odanda joǵary ball jinap bilim berý grantyn ielene almaǵan 102 bala bar. Shekti deńgeiden óte almaǵan túlekterge tamyz aiynyń 14-19 aralyǵynda jáne 2019 jyldyń qańtar aiynan bastap aqyly negizde qaita tapsyrý múmkindigine ie.
