Qyzylordaǵa ókpeni jasandy jeldetý apparatyn ákelý úshin halyqaralyq kompaniialarmen yntymaqtastyq ornady, dep habarlaidy QazAqparat.
Qyzylorda oblysynda aimaq basshysy Gúlshara Ábdiqalyqovanyń tapsyrmasymen óńirdi qajetti meditsinalyq quraldarmen qamtamasyz etý úshin belsendi jumys júrgizilip jatyr. Respýblikalyq biýdjet esebinen ókpeni jasandy jeldetýge arnalǵan 68 apparatqa qosymsha tapsyrys berildi.
Sonymen birge, jaqyn kúnderi demeýshilik kómek retinde Túrkiia memleketinen 10 ÓJJ apparaty aýrýhanalarǵa jetkiziletin bolsa, «Roskosmos» memlekettik korporatsiiasy tarapynan Baiqońyr qalasyndaǵy aýrýhanaǵa 1 apparat ákelinetin boldy.
Oblys aýrýhanalarynda búgin jumys istep turǵan ókpeni jasandy jeldetý apparattarynyń sany - 64. Onyń 29-y — qalada, 25 apparat - aýdandyq aýrýhanalarda ornalasqan.
