Qyzylordada blok beketten ótpek bolǵan avtokólikten asa iri kólemde esirtki tabyldy, dep habarlaidy QazAqparat.
Qala aýmaǵyndaǵy blok bekette «Honda Odyssey» markaly avtokóligi toqtatyldy. Ony tekserý barysynda avtokóliktiń júk salǵyshynan 1,5 kelige jýyq «marihýana» esirtki zaty anyqtaldy. «Kúdikti ýaqytsha ustaý izoliatoryna qamaqqa alyndy.
Qazirgi ýaqytta QR Qylmystyq kodeksiniń 296-babynyń 4-bóligimen sotqa deiingi tergep-tekserý júrgizilýde. Onda asa iri kólemde esirtki, psihotroptyq zattardy, sol tektesterdi ótkizý maqsatynsyz zańsyz daiyndaý, qaita óńdeý, iemdený, saqtaý, tasymaldaý jaǵdaiy kórsetilgen», - dep málim etti Qyzylorda oblystyq politsiia departamentinen.
Politsiia málimetinshe, is boiynsha tergeý jalǵasýda. Ózge málimetter tergeý qupiiasyn saqtaý maqsatynda jariialanýǵa jatpaidy.
