Qyzylordada qala kúni merekesine orai «Júrek jylýy» qaiyrymdylyq aktsiiasy uiymdastyrylyp, áleýmettik az qamtylǵan januialarǵa kómek kórsetildi.
Qaiyrymdylyq sharasynyń aiasynda kóp balaly jáne áleýmettik az qamtylǵan 1000 otbasy azyq-túlikpen qamtyldy. Sonymen qatar, ortalyq «Aqmeshit-Syrdariia» meshitiniń aýmaǵynda aktsiia sheńberinde qarjylai kómek kórsetkisi keletinderge arnaiy jáshik qoiyldy.
Qyzylorda oblysynyń ákimi Qyrymbek Kósherbaev sharaǵa atsalysqan Syr jurtshylyǵyna alǵys bildire otyryp, Qala kúni merekesimen quttyqtady.
«Ult Kóshbasshysy, Elbasymyz Nursultan Ábishuly Nazarbaev: «Muqtaj jandarǵa kómek kórsetý jáne qaiyrymdylyq is-shara jasaý - halqymyzdyń ejelden kele jatqan igi dástúri» ekenin atai otyryp, «Memleket pen biznes ekonomikalyq qana emes, áleýmettik máselelerdi sheshýde de áriptes bolýy tiis» degen bolatyn. Biyl Qyzylorda qalasynyń 200 jyldyq mereitoiy aiasynda arnaiy bir kúnniń «Júrek jylýy» ataýymen qaiyrymdylyqqa arnalýynyń negizi osynda»,-dedi aimaq basshysy.
Atap óteiik, qaiyrymdylyq sharalaryn ótkizý aimaqtyń igi dástúrine ainalǵan. Ótken jyly 800 otbasyǵa kómek kórsetilgen edi. Jyl basynan beri Naýryz, Oraza ait jáne Qurban ait merekelerinde aimaqtaǵy myńdaǵan januiaǵa kómek berildi.
