Qyzylorda qalasynyń 200 jyldyq mereitoiy aiasynda jańǵyrtylǵan Jalańtós batyr alleiasynyń ashylýy men merekelik kontsert ótti. Qazaly aýdany ortalyq «Aqmeshit-Syrdariia» meshiti janyndaǵy alleiasyn jańǵyrtyp, tanystyrylymyn uiymdastyrdy.
3 ga aýmaqqa brýschatka tóselip, Jalańtós batyr eskertkishi aýmaǵynda abattandyrý, kógaldandyrý jumystary júrgizildi, rotondar men shaǵyn arhitektýralyq nysandar ornatyldy. Jańǵyrtý jumystary demeýshilerdiń kómegimen júrgizilgen.
Eske sala keteiik, Jalańtós bahadúr eskertkishi 2010 jyly qyrkúiek aiynda qoiylǵan bolatyn. Eskertkishti jańǵyrtý jumystary 20 qyrkúiekte bastalyp, 15 qazanǵa deiin jalǵasty.
Sondai-aq, búgin A.Toqmaǵambetov atyndaǵy mádeniet úiinde Qazaly aýdany ónerpazdary men shyǵarmashylyq ujymdarynyń kontserti ótti. Onda qazaqtyń halyq ánderi, ulttyq bileri, álemdik klassikalyq mýzykanyń ozyq úlgileri oryndaldy.
Oblys ákimi Q.Kósherbaev alleiany qaita jańǵyrtý jumystarymen tanysyp, Qazaly aýdanynyń turǵyndarymen kezdesti.
Aita keteiik, Qyzylordada aýdandardyń shyǵarmashylyq ujymdarynyń kontsertteri jáne qala mereitoiyna arnalǵan merekelik is-sharalar ótkizilýde.
