Qyzylordada adam ólimine qatysy bar alty kúdikti ustalyp, tórteýine izdeý jariialandy, – dep habarlaidy "Ult aqparat" Polisia.kz saityna silteme jasap.
7 mamyrda Qyzylorda qalasynda atys boldy. Osy derekke bailanysty júrgizilgen jedel-izdestirý is-sharalary nátijesinde, alty kúdikti ustalyp, qamaýǵa alyndy. Tórt kúdiktige qatysty izdeý jariialanǵan.
– Oqiǵa bolǵan jerdi tekserý barysynda jáne kúdiktilerdiń turǵylyqty mekenjailarynan bes qarý-jaraq, birneshe oq-dári, esirtki jáne jeti avtokólik aiǵaq zat retinde alynyp, tiisti saraptamalary taǵaiyndaldy. Barlyq qatysýshynyń jeke basy anyqtalyp, jábirlenýshi taraptyń qaýipsizdigi qamtamasyz etildi. Joǵaryda kórsetilgen qylmystyq quqyq buzýshylyqtar negizinde segiz qylmystyq is, iaǵni adam óltirý boiynsha – 2, buzaqylyq boiynsha – 2, qarýdyń zańsyz ainalymy boiynsha 3 is jáne esirtkiniń zańsyz ainalymy boiynsha bir is tirkeldi, – dedi Qyzylorda oblysynyń Politsiia departamenti bastyǵynyń orynbasary Baijan Baigeldi.
Qazirgi tańda, qylmystyq istiń mán-jaiy jan-jaqty, tolyq jáne obektivti túrde tergep-tekserý jumystary júrgizilýde.
Eske salaiyq, buǵan deiin Qyzylordada atystan úsh adam qaza taýyp, taǵy ekeýi aýrýhanaǵa jetkizilgeni habarlanǵan edi. Qaiǵyly oqiǵa 7 mamyr keshke bolǵan.
