Sýret: Qyzylorda oblysy TJD
Qyzylordada jekemenshik úide gaz jarylyp, bir adam zardap shekti, dep habarlaidy "Ult aqparat" oblystyq TJD baspasóz qyzmetine silteme jasap.
19 sáýirde saǵat 10:58-de Qyzylorda qalasy, Ianshina kóshesinde ornalasqan jeke turǵyn úide gaz jarylyp, saldarynan aýmaǵy 182 sharshy metr ǵimarat órtenip, qirap qaldy. Ári qarai órt osy úi aýmaǵynda ornalasqan 60 sharshy metrlik ýaqytsha quyrylys nysanyna taraǵan.
"Qutqarýshylar kelgenge deiin jedel meditsinalyq kómek brigadasymen Ózbekstan Respýblikasynyń 1984 jyly týǵan azamaty P. J. I-dárejeli kúiik diagnozymen (beti, qoly, moiny - avt.) qalalyq aýrýhanaǵa jetkizildi.
Oqiǵa ornynda shtab qurylyp, tiisti órt sóndirýdi uiymdastyrý jumystary atqaryldy.
Órt saǵat 12.09-da tolyq aýyzdyqtaldy. Oqiǵanyń sebebi anyqtalyp jatyr", - delingen habarlamada.
Oqiǵa ornyna Qyzylorda oblysy TJD-nyń 25 qyzmetkeri jáne 5 tehnikasy, meditsina ortalyǵynyń 4 qyzmetkeri jáne 1 tehnikasy, "QazTransGazAimaq" AQ-nyń 3 qyzmetkeri jáne 1 tehnikasy, "KREK" AQ, sondai-aq, jergilikti politsiia qyzmeti basqarmasynyń qyzmetkerleri jumyldyrylǵan.
video: Tengrinews.kz
