قىزىلوردادا جەكە تۇرعىن ٷيدە جارىلىس بولدى - ۆيدەو

سۋرەت: قىزىلوردا وبلىسى تجد

قىزىلوردادا جەكەمەنشٸك ٷيدە گاز جارىلىپ, بٸر ادام زارداپ شەكتٸ, دەپ حابارلايدى "ۇلت اقپارات" وبلىستىق تجد باسپاسٶز قىزمەتٸنە سٸلتەمە جاساپ.

19 سەۋٸردە ساعات 10:58-دە قىزىلوردا قالاسى, يانشينا كٶشەسٸندە ورنالاسقان جەكە تۇرعىن ٷيدە گاز جارىلىپ, سالدارىنان اۋماعى 182 شارشى مەتر عيمارات ٶرتەنٸپ, قيراپ قالدى. ەرٸ قاراي ٶرت وسى ٷي اۋماعىندا ورنالاسقان 60 شارشى مەترلٸك ۋاقىتشا قۇىرىلىس نىسانىنا تاراعان.

"قۇتقارۋشىلار كەلگەنگە دەيٸن جەدەل مەديتسينالىق كٶمەك بريگاداسىمەن ٶزبەكستان رەسپۋبليكاسىنىڭ 1984 جىلى تۋعان ازاماتى پ. ج. ٸ-دەرەجەلٸ كٷيٸك دياگنوزىمەن (بەتٸ, قولى, موينى - اۆت.) قالالىق اۋرۋحاناعا جەتكٸزٸلدٸ. 

وقيعا ورنىندا شتاب قۇرىلىپ, تيٸستٸ ٶرت سٶندٸرۋدٸ ۇيىمداستىرۋ جۇمىستارى اتقارىلدى. 

ٶرت ساعات 12.09-دا تولىق اۋىزدىقتالدى. وقيعانىڭ سەبەبٸ انىقتالىپ جاتىر", - دەلٸنگەن حابارلامادا.

وقيعا ورنىنا قىزىلوردا وبلىسى تجد-نىڭ 25 قىزمەتكەرٸ جەنە 5 تەحنيكاسى, مەديتسينا ورتالىعىنىڭ 4 قىزمەتكەرٸ جەنە 1 تەحنيكاسى, "قازترانسگازايماق" اق-نىڭ 3 قىزمەتكەرٸ جەنە 1 تەحنيكاسى, "كرەك" اق, سونداي-اق, جەرگٸلٸكتٸ پوليتسييا قىزمەتٸ باسقارماسىنىڭ قىزمەتكەرلەرٸ جۇمىلدىرىلعان.

ۆيدەو: Tengrinews.kz