Qyzylorda oblysynda bilikti jas kadrlardy anyqtaý, irikteý, tárbieleý jáne básekege qabiletti mamandardy daiarlaý men olardy jumyspen qamtý maqsatynda «Jastar kadrlyq rezervi» jobasy iske asyrylatyn bolady. Bul týraly búgin QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Qyzylorda oblysy boiynsha Departamenti basshysy Abzal Muhimovtyń jáne «Nur Otan» partiiasy Qyzylorda oblystyq filialynyń basshysy Quttyqoja Ibadýllaevtyń qatysýymen ótken baspasóz máslihatynda belgili boldy.
«Jastar kadrlyq rezervi» jobasy 8 kezeńnen turady. Onda úmitkerler áńgimelesý, synama testileý, resmi testileý siiaqty negizgi kezeńderden ótedi. Sonymen qatar, jobaǵa qatysýshylar arnaiy oqý kýrstarynan ótip, memlekettik organdarǵa taǵylamdamadan ótýge jiberiledi. Osy kezeńderden súrinbei ótken úmitkerlerdiń negizinde memlekettik qyzmetke kirýge yntaly, kásibi daǵdylary men biliktiligi joǵary jas mamandardyń oblystyq derekter bazasy daiyndalatyn bolady.
Aita keteiik, «Jastar kadrlyq rezervin» daiyndaý barysynda suranysqa ie (aýylsharýashylyǵy salasy, tehnikalyq mamandyqtar) mamandyqtarǵa basymdyq beriledi. Joba 1 naýryzdan bastaldy.
