قىزىلوردا وبلىسىندا بٸلٸكتٸ جاس كادرلاردى انىقتاۋ, ٸرٸكتەۋ, تەربيەلەۋ جەنە بەسەكەگە قابٸلەتتٸ مامانداردى دايارلاۋ مەن ولاردى جۇمىسپەن قامتۋ ماقساتىندا «جاستار كادرلىق رەزەرۆٸ» جوباسى ٸسكە اسىرىلاتىن بولادى. بۇل تۋرالى بٷگٸن قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ قىزىلوردا وبلىسى بويىنشا دەپارتامەنتٸ باسشىسى ابزال مۇحيموۆتىڭ جەنە «نۇر وتان» پارتيياسى قىزىلوردا وبلىستىق فيليالىنىڭ باسشىسى قۇتتىقوجا يبادۋللاەۆتىڭ قاتىسۋىمەن ٶتكەن باسپاسٶز مەسليحاتىندا بەلگٸلٸ بولدى.
«جاستار كادرلىق رەزەرۆٸ» جوباسى 8 كەزەڭنەن تۇرادى. وندا ٷمٸتكەرلەر ەڭگٸمەلەسۋ, سىناما تەستٸلەۋ, رەسمي تەستٸلەۋ سيياقتى نەگٸزگٸ كەزەڭدەردەن ٶتەدٸ. سونىمەن قاتار, جوباعا قاتىسۋشىلار ارنايى وقۋ كۋرستارىنان ٶتٸپ, مەملەكەتتٸك ورگاندارعا تاعىلامدامادان ٶتۋگە جٸبەرٸلەدٸ. وسى كەزەڭدەردەن سٷرٸنبەي ٶتكەن ٷمٸتكەرلەردٸڭ نەگٸزٸندە مەملەكەتتٸك قىزمەتكە كٸرۋگە ىنتالى, كەسٸبي داعدىلارى مەن بٸلٸكتٸلٸگٸ جوعارى جاس مامانداردىڭ وبلىستىق دەرەكتەر بازاسى دايىندالاتىن بولادى.
ايتا كەتەيٸك, «جاستار كادرلىق رەزەرۆٸن» دايىنداۋ بارىسىندا سۇرانىسقا يە (اۋىلشارۋاشىلىعى سالاسى, تەحنيكالىق ماماندىقتار) ماماندىقتارعا باسىمدىق بەرٸلەدٸ. جوبا 1 ناۋرىزدان باستالدى.
