Qazaq eliniń memlekettik qurylym júiesine, dástúrli quqyǵyna ólsheýsiz úles qosqan bilerdiń memlekettik bilik salasynda jáne ádil sot úshin atqarǵan qyzmetiniń salmaǵyn tereń uǵynyp, altyn tinin úzbei atadan balaǵa aýysyp otyrǵan dástúrli quqyqtyq normalar qoldanysy – tarihi tanymdylyq, ony búgingi ómirge endirý ózekti másele.
Sotsyz tatýlasý jobasynyń maqsaty - halyqtyń sanasyn ózgertip, qoǵamdaǵy daýkestiktiń deńgeiin tómendetý jáne daýlardy kelisim arqyly tiimdi sheshý.
Qazaqstan Respýblikasynyń Joǵarǵy sot Tóraǵasy, jerlesimiz Jaqyp Asanovtyń qoǵamdaǵy daýlardy sotsyz sheshý institýttaryn damytý jónindegi usynysyna sáikes, Qyzylorda qalasynda respýblika boiynsha alǵashqy bolyp «Sotsyz tatýlasý ortalyǵy» saltanaty túrde ashyldy. «Sotsyz tatýlasý ortalyǵynyń» negizgi mindeti – arazdasqan azamattardy sotqa deiin, bitimge keltirý.
Ortalyqtyń taǵy bir mindeti – kelisý mádenietiniń mańyzyn arttyrý. Bir sózben aitqanda, sotty adamdar ósh alýdyń, ese qaitarýdyń quralyna ainaldyrmaýy tiis. Sondyqtan da, Ortalyq daýdy sheshýdiń jańa múmkindigi bolýmen qatar, ol halyqtyń sanasyna oń áser etetin, ulttyq biregeilikti nyǵaitatyn tárbie ortasy bolady.
