Qyzylorda qalasynda búgin Qazaqstan jáne KSRO halyq ártisi, Halyq qaharmany Roza Baǵlanovanyń eskertkishi ashyldy, dep habarlaidy QazAqparat.
Roza Baǵlanovanyń 100 jyldyq mereitoiy búginde IýNESKO jáne respýblika kóleminde atalyp ótip jatyr. Ataýly sharalar Syr óńirinde 20-21 sáýir kúnderi bolady.
«Syrda ónerdiń toiy bastaldy. Syrdan qanattanyp, óresi biik án padishasyna ainalǵan ǵaziz-ǵumyr iesiniń mereitoilyq sharalary Qyzylorda qalasynyń ortalyq alańynda Roza Baǵlanova eskertkishiniń ashylýymen bastaý aldy. Eskertkishtiń avtorlary - músinshiler Murat Sydyqov pen Baýyrjan Kenenbai. Onyń biiktigi - 5,7 metr. Tuǵyry granitten, eskertkishtiń negizi qoladan quiylǵan», - dedi Janat Ashanqyzy.
Belgili ánshiniń kezinde prodiýseri bolǵan Qýanysh Abdýhalimov Roza Tájibaiqyzy «Ǵasyr adamy» ekenin atap ótti. Ańyz adamdy ulyqtaý turaqty túrde júrgizilýi tiis.
Roza Baǵlanovanyń uly Tájen Baǵlanov anasy týraly jyly estelikter aitty.
«Anamnyń qurmetine Almaty qalasynda murajai ashylady. Sondai-aq, týǵan jeri - Qazaly aýdanynda da murajai bar. Atalǵan oryndarǵa anamnyń estelik zattaryn usynýdy jón kórip otyrmyn», - dedi Tájen Baǵlanov.
Belgili ánshiniń mereitoilyq sharalary eki kúnge sozylady. Atalǵan shara aiasynda biyl «Aqmańdailym» respýblikalyq ánshiler konkýrsyna barlyq óńirden qatysqan 200 talapkerdiń arasynan 15-i iriktelip alyndy.
