Sybailas jemqorlyqqa qarsy is-qimyl agenttigi bas ekologiialyq inspektor-Qyzylorda oblysynyń ekologiia departamenti basshysy orynbasarynyń qylmystyq áreketiniń jolyn kesti, dep habarlaidy QazAqparat.
Agenttiktiń málimetine sensek, ol buǵan deiin kelisilgen 100 mln teńgeden 50 mln teńge somasynda para aldy degen kúdikke ilindi.
Laýazymdy tulǵa ustalyp, Shymkent qalasy politsiia departamentiniń ýaqytsha izoliatoryna qamaýǵa alyndy.
Sonymen qatar, keshe onyń aldynda qyzmet atqarǵan bas ekologiialyq inspektor – Qyzylorda oblysy boiynsha ekologiia departamenti basshysynyń mindetin atqarýshy Aptikalikovqa qatysty mamandandyrylǵan aýdanaralyq qylmystyq sotynyń 11 jylǵa bas bostandyǵynan aiyrý úkimi jariialandy.
Ol biylǵy jyldyń aqpan aiynda 30 mln teńge somasynda para alǵany úshin ustalǵan edi.
