«Nur Otan» partiiasy Qyzylorda oblystyq filialy janyndaǵy «Miras» qoǵamdyq keńesiniń kezekti otyrysy ótti. Jiynda Elbasynyń «Uly dalanyń jeti qyry» maqalasy talqylaý boiynsha jáne aimaqtaǵy daryndy shyǵarmashyl jastarǵa qoldaý kórsetý jumystary pysyqtaldy.
Otyrysty ashqan Qyzylorda oblystyq partiia filialy tóraǵasynyń birinshi orynbasary Ibadýlla Quttyqojaev Elbasynyń maqalasy aýqymdy «Rýhani jańǵyrý» baǵdarlamasynyń jalǵasy ekenin aitty.
Jiyn barysynda «Miras» keńesiniń belsendi múshesi, Qorqyt ata atyndaǵy Qyzylorda Memlekettik ýniversitetiniń «Qorqyttaný jáne ólke tarihy» Ǵylymi-zertteý institýty direktory, filologiia ǵylymdarynyń doktory, professor Baǵdat Káribozuly baiandama jasady.
Elbasy óz maqalasynda ejelgi dáýirden qazirgi zamanǵa deiingi kezeńdi qamtityn barlyq otandyq jáne sheteldik muraǵattar dúniesine irgeli zertteýler júrgizý úshin «Arhiv – 2025» jeti jyldyq baǵdarlamasyn jasaý men bul jobany júzege asyrý barysynda tarihshylardan, derektanýshylar men mádeniettanýshylardan qurylǵan arnaiy toptardyń otandyq jáne sheteldik iri arhivtermen ózara júieli ári uzaq merzimdi yqpaldastyqta bolyp, izdeý-zertteý jumystaryn júrgizýi qajettigin atap ótkeni belgili. Osy baǵytta oblystyq mádeniet, arhivter jáne qujattama basqarmasy basshysynyń orynbasary Á. Ersultanov tolyǵyraq aityp ótti.
«Nur Otan» partiiasy Qyzylorda oblystyq filialy tóraǵasynyń birinshi orynbasary Ibadýlla Quttyqojaevtyń tóraǵalyǵymen ótken keńes otyrysyna keńes múshelerimen birge memlekettik organdar jáne ÚEU ókilderi men belsendi jastar qatysty.
