Qyzylorda oblysynda qutqarýshylar kólikter soqtyǵysýy saldarynan kólik ishinde aiaǵy qysylyp qalǵan adamdy shyǵaryp aldy, dep habarlaidy "Ult aqparat".
Oqys oqiǵa búgin, 1 tamyzda saǵat 11.20 shamasynda Jańaqorǵan kenti tusyndaǵy dariiadan ótetin kópir ústinde bolǵan. Sol aýmaqta «KaMAZ» júk kóligi men «Toyota Carina» jeńil kóligi soqtysyp qalǵan.
«Oqiǵa barysynda jeńil kólik júrgizýshisiniń aiaǵy qysylyp qalǵan. Qutqarýshylar oqiǵa ornyna jedel jetip, tiisti qurylǵymen ony shyǵardy. Sol ornynda oǵan alǵashqy meditsinalyq kómek kórsetilip, jedel járdem qyzmetine tabystaldy», - dep málim etti Qyzylorda oblystyq Tótenshe jaǵdailar departamenti Órt sóndirý jáne avariialyq-qutqarý jumystary qyzmetiniń baspasóz hatshysy Áliia Erejepova.
