Koronavirýs indetiniń aldyn alý jáne joiý sharalaryn júrgizý úshin Qyzylorda oblysynyń densaýlyq saqtaý basqarmasyna 104 mln teńge bólindi, dep habarlaidy "Ult aqparat".
Bul týraly Qyzylorda oblysynyń ákimi Gúlshara Ábdiqalyqova «Habar 24» telearnasynyń tikelei efirinde málimdedi.
«Koronavirýs infektsiiasynyń taralýyna bailanysty keseldiń aldyn alý jáne joiý sharalaryn júieli júrgizý úshin oblystyq densaýlyq saqtaý basqarmasyna 104 mln teńge bólindi. Qarjynyń 12,8 mln teńgesine myń jarym litr antiseptik, 100 dana tósek jabdyǵy jáne betperde satyp alyndy», - dedi óńir basshysy.
Sonymen birge, tótenshe jaǵdailarǵa arnalǵan rezervten 672 mln teńge qarajat qaralyp otyr.
Aita keteiik, qazirgi ýaqytta oblys boiynsha infektsiia juqtyrǵandar sany 26-ǵa jetti. Onyń ishinde Qyzylorda qalasynda - 6, Jańaqorǵan aýdanynda - 16, Qarmaqshy aýdanynda - 2, Shieli aýdanynda - 2 oqiǵa tirkelgen.
Karantinge jabylǵan Qyzylorda qalasy men Jańaqorǵan aýdanynda blokbeketter qoiyldy.
