Qyzylorda oblysynda koronavirýs juqtyrǵan ekinshi adam keshegi naýqaspen qarym-qatynasta bolǵan medbike bolyp shyqty, dep habarlaidy "Ult aqparat".
Bul týraly óńirlik kommýnikatsiialar qyzmetinde ótken brifingte oblystyq densaýlyq saqtaý basqarmasynyń basshysy Jaqsylyq Abdýsametov aitty.
Anyqtalǵan ekinshi naýqas Qyzylorda qalasynda turady. Jergilikti emhananyń birinde medbike bolyp qyzmet atqarady. 1997 jyly dúniege kelgen ol keshe anyqtalǵan naýqaspen qarym-qatynasta bolǵan. Oǵan meditsinalyq baqylaý jumystaryn júrgizgen.
«Qazirgi jaǵdaida ekinshi naýqastyń kúrdeli shaǵymy joq. Tek tamaǵynyń aýrýy belgisi bar. Dene qyzýy qalypty. Tynys jetispeýshiligi joq. Jótel de baiqalmaidy. Zerttelgen synama oń nátije bergendikten oǵan koronavirýs diagnozy qoiyldy. Qazirgi kezdegi jaǵdaiy qanaǵattanarlyq dep baǵalanyp otyr», - dedi Jaqsylyq Abdýsametov.
Qazirgi tańda 1A kategoriiasy elderinen kelgen 32 adam karantindik baqylaýǵa alynǵan. Onyń ishinde, 9-y statsionarda, 23-i úi jaǵdaiynda. Buǵan qosa, 1B elderinen kelgen 94 adam karantindik baqylaýda ustap otyrmyz. Onyń 12-i statsionarda, 82 úi jaǵdaiynda.
Eske salsaq, keshe Qyzylordada koronavirýs juqtyrǵan alǵashqy adam tirkelgen bolatyn.
