قىزىلوردا وبلىسىندا كوروناۆيرۋس جۇقتىرعان ەكٸنشٸ ادام كەشەگٸ ناۋقاسپەن قارىم-قاتىناستا بولعان مەدبيكە بولىپ شىقتى, دەپ حابارلايدى "ۇلت اقپارات".
بۇل تۋرالى ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدۋسامەتوۆ ايتتى.
انىقتالعان ەكٸنشٸ ناۋقاس قىزىلوردا قالاسىندا تۇرادى. جەرگٸلٸكتٸ ەمحانانىڭ بٸرٸندە مەدبيكە بولىپ قىزمەت اتقارادى. 1997 جىلى دٷنيەگە كەلگەن ول كەشە انىقتالعان ناۋقاسپەن قارىم-قاتىناستا بولعان. وعان مەديتسينالىق باقىلاۋ جۇمىستارىن جٷرگٸزگەن.
«قازٸرگٸ جاعدايدا ەكٸنشٸ ناۋقاستىڭ كٷردەلٸ شاعىمى جوق. تەك تاماعىنىڭ اۋرۋى بەلگٸسٸ بار. دەنە قىزۋى قالىپتى. تىنىس جەتٸسپەۋشٸلٸگٸ جوق. جٶتەل دە بايقالمايدى. زەرتتەلگەن سىناما وڭ نەتيجە بەرگەندٸكتەن وعان كوروناۆيرۋس دياگنوزى قويىلدى. قازٸرگٸ كەزدەگٸ جاعدايى قاناعاتتانارلىق دەپ باعالانىپ وتىر», - دەدٸ جاقسىلىق ابدۋسامەتوۆ.
قازٸرگٸ تاڭدا 1ا كاتەگوريياسى ەلدەرٸنەن كەلگەن 32 ادام كارانتيندٸك باقىلاۋعا الىنعان. ونىڭ ٸشٸندە, 9-ى ستاتسيوناردا, 23-ٸ ٷي جاعدايىندا. بۇعان قوسا, 1ب ەلدەرٸنەن كەلگەن 94 ادام كارانتيندٸك باقىلاۋدا ۇستاپ وتىرمىز. ونىڭ 12-ٸ ستاتسيوناردا, 82 ٷي جاعدايىندا.
ەسكە سالساق, كەشە قىزىلوردادا كوروناۆيرۋس جۇقتىرعان العاشقى ادام تٸركەلگەن بولاتىن.
