Foto: Gov.kz
Qyzylorda qalasynda óńirdiń sporttyq jáne mádeni infraqurylymynyń mańyzdy nysanyna ainalatyn zamanaýi sport kesheni salynady, dep habarlaidy Ult.kz.
«Memsaraptama» RMK Qyzylorda qalasynda «Qyzylorda Arena» kópfýnktsionaldy sport keshenin salý jobasyna oń qorytyndy berdi. Jańa nysan sporttyq jarystar, mádeni-buqaralyq jáne oiyn-saýyq is-sharalaryn ótkizýge arnalǵan.
Qurylys alańy Sultan Beibarys pen Ábdýali Spanov kósheleriniń qiylysynda, Syrdariia ózeniniń oń jaǵalaýynda, qalanyń shyǵys bóliginde ornalasqan. 2,1177 ga jer ýchaskesi buryn ashyq sport alańdary retinde paidalanylǵan. Jańadan boi kóteretin nysan qalanyń ortalyq bóligine jaqyn bolýy kelýshilerge óte yńǵaily bolmaq.
Jobaǵa sáikes keshenniń aýmaǵy arena ǵimaraty men sharýashylyq aimaǵyn qamtidy. Jobalaý kezinde barlyq sanitarlyq jáne órtke qarsy normalar, sondai-aq kelýshiler men kólik aǵyndaryn uiymdastyrýǵa qoiylatyn talaptar saqtalǵan.
Sý jańa arenada 2074 oryndy ámbebap sport zaly men 462 oryndy tribýnasy bar bassein bolady. Sondai-aq, ártúrli sport zaldar, meditsinalyq qyzmet kórsetý bólmeleri, qoǵamdyq tamaqtaný obektileri bolady. Ǵimarattyń birinshi qabatynda arnaiy aýdarmashylar men operatorlar otyratyn 150 adamǵa arnalǵan úlken konferents-zal ashý josparlanǵan, bul halyqaralyq deńgeidegi is-sharalardy ótkizýge múmkindik beredi.
