Qyzylorda oblysynda qashyqtan bilim alyp jatqan 2 oqýshydan koronavirýs infektsiiasy anyqtaldy, dep habarlaidy "Ult aqparat".
Qyzylorda oblysynda 19 qarashadaǵy málimet boiynsha koronavirýs infektsiiasynyń 5 jaǵdaiy tirkelgen. Onyń 1-i Qarmaqshy aýdanynda, 4-i Qyzylorda qalasynda bolǵan.
Aita keterligi, qaterli dertti juqtyrǵan adamdardyń 3-i bir otbasydan shyqqan. Olar bir-birimen jaqyn qarym-qatynasta bolǵany anyqtaldy. Qaterli dertti juqtyrǵandar arasynda 2011 jáne 2013 jyly dúniege kelgen 2 oqýshy bar. Oqýshylar qashyqtan bilim alady.
«Naýqastardyń arasynda PTR analizi 4 adamnan koronavirýs infektsiiasymen aýyrǵan adammen qarym-qatynasta bolýyna bailanysty alynǵan. Al 1 adam densaýlyq jaǵdaiyna bailanysty ózdiginen meditsinalyq kómekke júgingen. Naýqastardyń 1-de aýrýdyń klinikalyq belgisi baiqalsa, qalǵanynda aýrý belgisinsiz túrde anyqtaldy. Qazirgi tańda 1-i oblystyq juqpaly aýrýlar aýrýhanasynda em qabyldap jatyr. Qalǵany úide em alýda jáne meditsinalyq baqylaýǵa alyndy», - dep málim etti Qyzylorda oblysy sanitarlyq-epidemiologiialyq baqylaý departamentinen.
Vedomstvo málimetinshe, aýrý oshaqtarynda mamandar indetke qarsy is-sharalar uiymdastyrylǵan. Naýqastarmen qarym-qatynasta bolǵan adamdar meditsinalyq baqylaýǵa alynǵan.
