14 mamyrda keshki ýaqytta Qyzylordadaǵy jergilikti jylý elektr stantsiiasynda tútin qubyry eki jumysshynyń ústine qulap ketken. Zardap shekkenderdiń biri Oblystyq meditsina ortalyǵyna jetkizildi, ekinshisi qirandylar astynda qalǵan. Bul týraly kaz.tengrinews.kz QR IIM TJK resmi ókili Rýslan Imanqulovqa silteme jasap habarlaidy.
"Qyzylorda oblystyq TJD jedel tobynyń tehnikasy men qyzmetkerleri, Ońtústik óńirlik aeromobildi jedel-qutqarý jasaǵynyń, oblystyń Órt sóndirý jáne apat-qutqarý jumystary qyzmetiniń ókilderi tartyldy. Qazirgi ýaqytta 60 qutqarýshy jumys istep jatyr, onnan asa dana tehnika men eki kinologiialyq it jumysqa tartylǵan", - delingen habarlamada.
15 mamyrda túngi ýaqytta jergilikti saǵat 3.45-te Ońtústik óńirlik aeromobildi jedel-qutqarý jasaǵy demontaj boiynsha jumys istep jatyp, qirandy astynda qalǵan ekinshi jumysshynyń máiitin tapty
