Qyzylorda oblysynda bes aýdanda koronavirýs infektsiiasy diagnozy qoiylǵan naýqastar tolyq jazyldy, dep habarlaidy "Ult aqparat".
Búginge deiin oblysta 231 adam qaterli indetti juqtyrǵan. Onyń 181-i atalǵan dertten aiyǵyp shyqty.
Atap aitqanda, Shielide - 66, Jańaqorǵanda - 31, Syrdariiada - 26, Qarmaqshyda - 5, Qazalyda - 3 naýqastyń barlyǵy tolyqtai em qabyldap, úilerine oraldy. Al Qyzylorda qalasynda - 94 naýqastyń 46-sy, Aral aýdanynda - 6 naýqastyń tórteýi tolyq emdeldi.
«Búgin saǵat 14:30-degi jaǵdaiy boiynsha aimaǵymyzda koronavirýs indetinen taǵy 9 naýqas emdelip shyqty. Olardyń emi tolyq aiaqtalǵan soń, 2 ret test synamasy alyndy. Synama nátijesi teris kórsetkish kórsetti. Olar aýrýhanadan úilerine qaitaryldy. Indetti jeńgen 9 naýqastyń altaýy - Qyzylorda qalasynan bolsa, bireýi - Qarmaqshy, taǵy biri - Qazaly, bir adam - Jańaqorǵan aýdandarynan. Emdelýshiler aldaǵy ýaqytta 14 kún boiy aimaqtyq dárigerler baqylaýynda bolady», - dep málim etti Qyzylorda oblystyq densaýlyq saqtaý basqarmasy.
