Qyzylorda oblysynda ótip jatqan aýyr atletikadan el birinshiliginde 19 sáýir kúngi jeńimpazdar anyqtaldy, dep habarlaidy QazAqparat.
Aita ketsek, el birinshiligi erler men áielder arasynda ótip jatyr. Jarys jekelegen jattyǵýlar boiynsha ótedi. Alty kún boiy sportshylar 20 salmaq boiynsha jeńimpazdardy anyqtaidy. Atalǵan jarysta erler 55, 61, 67, 73, 81, 89, 96 keli salmaqtar júldeler sarapqa salynady. Al áielder 45, 49, 55, 59, 67, 71, 76, 81, 87, 87 keliden joǵary salmaqta baq synaidy.
El birinshiliginde áielder arasynda 55 kelide Almaty oblysynyń aýyr atleti Aigerim Aýylbek jeńimpaz atandy. Odan keiingi oryndardy Shynar Japar (Jambyl oblysy) men Bibisara Janbolat (Almaty oblysy) ózara bólisti.
Al 59 kelide Zýlfiia Chinshanlo (Almaty oblysy) jeńis turǵyrynan kórindi. Al Altynai Tánirbergenova (Qyzylorda oblysy) jáne Alina Koliýshko Alina (Soltústik Qazaqstan oblysy) úzdik úshtikten kórindi.
Sondai-aq, erler arasynda 61 kelide Ótepbergen Áliev (Batys Qazaqstan oblysy), Azamat Tólegen (Qyzylorda oblysy) jáne
Jalǵas Seiitov (Aqmola oblysy) júldegerler qatarynda boldy.
