Qyzylorda oblysynda Ishki saiasat basqarmasynyń basshylyǵynyń qatysýymen, oblystaǵy 11 etnomádeni birlestiktiń jetekshilerimen kezdesý uiymdastyryldy. Atalǵan kezdesýde óńirdegi Assambleianyń qyzmetin jandandyrý jáne onyń qoǵamdyq-saiasi róli men mańyzyn arttyrý máseleleri qaraldy, - dep habarlaidy «Ult aqparat».
Atalǵan jiynǵa Qyzylorda oblystyq ishki saiasat basqarmasynyń basshysy Mira Qazbekova qatysyp, oblystaǵy Assambleianyń qoǵamdyq-saiasi róli men mańyzyn arttyrý týraly oilarymen bólisti.
«Qasietti Syr óńirinde «beibitshilik», «tynyshtyq», «turaqtylyq» degen mańyzdy uǵymdardy qalyptastyrýda tolymdy isterdiń atqarylǵanyn aita alamyz. Bul igi isterde Sizderdiń úlesterińiz zor. Bizdiń oblysta qazaq halqynan bólek, ózbek, orys, káris ultynyń ókilderi de ómir súrip keledi. Osyndai túrli ult ókilderiniń bir shańyraq astynda berekeli ómir súrip otyrýynyń ózi bizdiń oblystaǵy jurtshylyqtyń birligin kórsetetini sózsiz. Osy oraida Assambleia qyzmetiniń mańyzyna toqtalyp ótkenimiz jón. Eń bastysy ulttardyń birligin saqtap otyrǵan Qazaqstan halqy Assambleiasynyń búgingi qyzmetin joqqa shyǵara almaimyz», - dedi Qyzylorda oblystyq ishki saiasat basqarmasynyń basshysy Mira Qazbekova.
Osyndai oily bastamalardy aita kele, ishki saiasat basqarmasynyń basshysy birlestik jetekshilerine óńirdegi Assambleianyń qyzmetin jandandyrý jáne onyń qoǵamdyq-saiasi róli men mańyzyn arttyrý baǵytyndaǵy tilek, pikirlerin bildirýdi usyndy.
Atalǵan jiynda «Qoǵamdyq kelisim» KMM direktory Baýyrjan Mastekov jyl basynan beri atqarylǵan nátijeli jumystarǵa toqtalyp ótse, alǵashqy usynysyn bildirgen oblystyq «Slaviane» qoǵamdyq-mádeni ortalyǵy» qoǵamdyq birlestiginiń jetekshisi Galina Sherbakova ulttyq kostiýmdermen qamtý máselesin qozǵady.
«Ózderińiz bilesizder, oblysymyzda káris ultynyń ókilderi kóptep turady. Olar tipti qazaqtyń salt-dástúrin ǵana emes, tilin de erkin meńgergen. Memlekettik tilde qyzmet alyp, qyzmet kórsetip júrgen káris azamattary qanshama. Osy oraida bir usynys jasaǵymyz keledi. I.Ábdikárimov atyndaǵy agrarly tehnikalyq kolledjin 20 jyl basqarǵan Aleksei Tsoidyń aty kolledjdegi bir bólimshege berilse degen usynysy aitqymyz keledi. Oblystyq ishki saiasat basqarmasy tarapynan bizdiń bul talap-tilegimiz eskerýsiz qalmasyna senim bildirgimiz keledi», - deidi «Qazaqstan koreiler qaýymdastyǵy» oblystyq qoǵamdyq birlestiginiń jetekshisi Elena Kim.
Oblystyq tatar etnomádeni birlestiginiń jetekshisi Galiia Gizatýllina Dostyq úiiniń bazasynda dybys stýdiiasymen qamtamasyz etý, qazaq estradasynyń juldyzy bolǵan jerlesimiz, ánshi Batyrhan Shókenov turǵan kópqabatty turǵyn úige jóndeý jumystary men estelik taqta ornatylsa degen oilarymen bólisti. Al Basqarma basshysy aitylǵan usynystar barlyǵy kezeń-kezeńimen sheshimin tabatynyn jáne qoǵamdyq kelisim men jalpyulttyq birlikti saqtaýda, óńirdegi dostyq pen beibitshilik birligin nyǵaitýda birlesip júieli jumys jasalatyndyǵyn ortaǵa saldy.
«Talqylap otyrǵan usynystaryńyz óte oryndy. Ásirese ánshi batyrhan Shókenov turǵan kóp qabatty turǵyn úi týraly oilaryńyz júrekti tebirentti. Barshańyzǵa sheksiz alǵyz bildiremin. Aldaǵy ýaqytta árqaisyńyzdyń usynystaryńyzdy jeke-jeke talqylap, naqty nátije kórsetýge tyrysamyz. Barshamyzdyń jumysymyzǵa sáttilik tileimin», - dedi Qyzylorda oblystyq ishki saiasat basqarmasynyń basshysy Mira Qazbekova.
Esterińizge sala keteiik, Qyzylorda oblysynda Ishki saiasat basqarmasynyń basshylyǵynyń qatysýymen, oblystaǵy 11 etnomádeni birlestiktiń jetekshilerimen kezdesý uiymdastyryldy. Atalǵan kezdesýde óńirdegi Assambleianyń qyzmetin jandandyrý jáne onyń qoǵamdyq-saiasi róli men mańyzyn arttyrý máseleleri qaraldy. Atalǵan jiynǵa Qyzylorda oblystyq ishki saiasat basqarmasynyń basshysy Mira Qazbekova qatysyp, oblystaǵy Assambleianyń qoǵamdyq-saiasi róli men mańyzyn arttyrý týraly oilarymen bólisti.
