Qyzylorda oblysynda «Batys Qytai – Batys Eýropa» halyqaralyq dálizi boiyna ornalasqan kópshilik ashanasynda jumys atqarǵan adamǵa koronavirýs infektsiiasy diagnozy qoiyldy, – dep habarlaidy "Ult aqparat".
Qazir Qyzylorda oblysynda koronavirýs infektsiiasyn juqtyrǵan 231 adam bar. Olardyń arasynan 181 adam saýyǵyp shyqty.
«Jańadan anyqtalǵan 1 jaǵdai Jańaqorǵan aýdanynda tirkeldi. Ol - buǵan deiin provizorlyq karantinde bolǵan azamat. Negizgi jumys oryny «Batys Qytai-Batys Eýropa» halyqaralyq dálizi boiyna ornalasqan kópshilik ashanasynda jumys jasaǵan», – dedi Qyzylorda oblystyq densaýlyq saqtaý basqarmasynyń basshysy Jaqsylyq Abdýsametov.
Sondai-aq, koronavirýs infektsiiasyn juqtyrǵandarmen bailanysta bolǵan– 3270 azamat anyqtaldy. Onyń ishinde, 1798-i jaqyn qarym-qatynasta, 1472-si janama bailanysta bolǵan.
«Sońǵy 19 kúnniń statistikasyna qaraǵanda, virýstyń juǵý múmkindigi qarym-qatynas arqyly bolyp otyr. Virýs aýa tamshylary arqyly juǵatyn bolǵandyqtan, ol kóbine sýly aýada kóp saqtalady. Sondyqtan oqshaýlaný, shekteý sharalaryna muqiiat bolýǵa jáne betperde kiiýdi jalǵastyra berýge shaqyramyz», - dedi basqarma basshysy.
