Qyzylorda oblysynda aqqýdy aiaýsyz óltirgen er adam ustaldy, - dep habarlaidy "Ult aqparat" Ishki ister ministrliginiń Telegram-arnasyna silteme jasap.
"Áleýmettik jelilerde jariialanǵan beinejazba boiynsha Qyzylorda oblysynyń Politsiia departamentimen jedel túrde tekserý jumystary júrgizildi. Oqiǵa osy kúnge deiin Politsiia departamenti boiynsha tirkelmegen", - dep málimdedi basqarmanyń baspasóz qyzmeti.
Vedomstvo málimetinshe, 22 jeltoqsanda jariialanǵan beinejazba Qyzylorda oblysy, Syrdariia aýdany Politsiia bólimimen «Aqparatty esepke alý kitabyna» jaqynda tirkelgen. Nátijesinde, beinejazba boiynsha 26 jastaǵy oblys turǵyny anyqtalyp, politsiia bólimine jetkizilgen.
Tekserý barysynda, atalǵan oqiǵanyń 2013 jyly balyq aýlaý kezinde kúrishtiktiń kanalynyń jaǵasynda oryn alyp, beinejazbaǵa túsirilgendigi anyqtaldy.
"Tekserý nátijesi boiynsha jetkizilgen adamnyń áreketine quqyqtyq baǵa berilip, tiisti sheshim shyǵarylady", - dep qosty politseiler.
Eske salaiyq, áleýmettik jelide Qyzylorda oblysynyń turǵyny aqqýdy óltirip, jasaǵan áreketine maqtanǵan videosy taraǵan bolatyn.
Videoda onyń keshke "aqqýdan qýyrdaq" jeimiz dep aitqanyn da baiqaýǵa bolady.
