Túngi klýbta adam pyshaqtap, oqiǵa ornynan qashyp ketken qyzylordalyq 24 jastaǵy jigit elordada qolǵa tústi, dep habarlaidy QazAqparat.
Qyzylorda qalasyndaǵy túngi klýbtyń birinde jastar arasyndaǵy tóbeles bolǵany anyqtaldy. Saldarynan qalanyń 19 jastaǵy turǵyny pyshaq jaraqatymen oblystyq meditsina ortalyǵyna túsken.
«Bul jóninde Qyzylorda qalalyq Politsiia basqarmasy kezekshi bólimine habarlandy. Atalǵan derek negizinde QR Qylmystyq kodeksiniń 24-baby, 99-babynyń 2-bóligi (Adam óltirýge oqtalý) boiynsha is tirkeldi. Izdestirý is-sharalary nátijesinde 24 jastaǵy turǵynnyń Nur-Sultan qalasynda ekeni anyqtaldy. Oblystyq Politsiia departamenti qalalyq Politsiia basqarmasy jedel ýákilderimen birlesip, qylmystyq qýdalaý organynan jasyrynyp júrgen kúdiktini elordada jaldamaly páterde qolǵa túsirdi», - dep málim etti Qyzylorda oblystyq politsiia departamentinen.
