تٷنگٸ كلۋبتا ادام پىشاقتاپ, وقيعا ورنىنان قاشىپ كەتكەن قىزىلوردالىق 24 جاستاعى جٸگٸت ەلوردادا قولعا تٷستٸ, دەپ حابارلايدى قازاقپارات.
قىزىلوردا قالاسىنداعى تٷنگٸ كلۋبتىڭ بٸرٸندە جاستار اراسىنداعى تٶبەلەس بولعانى انىقتالدى. سالدارىنان قالانىڭ 19 جاستاعى تۇرعىنى پىشاق جاراقاتىمەن وبلىستىق مەديتسينا ورتالىعىنا تٷسكەن.
«بۇل جٶنٸندە قىزىلوردا قالالىق پوليتسييا باسقارماسى كەزەكشٸ بٶلٸمٸنە حابارلاندى. اتالعان دەرەك نەگٸزٸندە قر قىلمىستىق كودەكسٸنٸڭ 24-بابى, 99-بابىنىڭ 2-بٶلٸگٸ (ادام ٶلتٸرۋگە وقتالۋ) بويىنشا ٸس تٸركەلدٸ. ٸزدەستٸرۋ ٸس-شارالارى نەتيجەسٸندە 24 جاستاعى تۇرعىننىڭ نۇر-سۇلتان قالاسىندا ەكەنٸ انىقتالدى. وبلىستىق پوليتسييا دەپارتامەنتٸ قالالىق پوليتسييا باسقارماسى جەدەل ۋەكٸلدەرٸمەن بٸرلەسٸپ, قىلمىستىق قۋدالاۋ ورگانىنان جاسىرىنىپ جٷرگەن كٷدٸكتٸنٸ ەلوردادا جالدامالى پەتەردە قولعا تٷسٸردٸ», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنەن.
