Qyzylorda oblysynda koronavirýs infektsiiasy diagnozy qoiylǵan alǵashqy naýqas tirkelgen kúnnen bastap ony juqtyrǵan 9 meditsina qyzmetkeri tirkelgen, dep habarlaidy "Ult aqparat".
Bul jóninde Qyzylorda oblysynyń Bas memlekettik sanitarlyq dárigeri Áliia Ábdiqaiymova málim etti.
«Olardyń 8-i orta býyn, 1-ýi kishi býyn qyzmetkeri. Anyqtalǵan 3 qyzmetker kásibi turǵyda juqtyrsa, qalǵany naýqastarmen qarym-qatynasta bolǵan. Sondai-aq, keibir meditsina qyzmetkerleri qorǵanysh talaptaryn saqtamaǵan»,-dedi Á. Ábdiqaiymova.
Bas sanitarlyq dáriger óńirde 11 kompaniia vahtalyq ádispen jumys isteitinin aitty. Onyń ishinde eki kompaniianyń qyzmetkeri aldaǵy eki táýlikte aýysym jumystaryn júrgizedi. Al, vahtadan kelgen azamattar úi karantinine alynady.
Búgingi tańda Qyzylorda oblysynda koronavirýs infektsiiasy qoiylǵan 127 adam bar.
