2019 jyly Qyzylorda qalasynyń sol jaǵalaýynda 3500 orynǵa arnalǵan jabyq fýtbol alańynyń qurylysy bastalady.
Qyzylorda oblysynyń ákimi Qyrymbek Kósherbaev «Qaisar» fýtbol klýby basshylyǵy jáne oiynshylarmen kezdesýinde osy jaǵymdy jańalyqty jetkizdi. Aimaq basshysy fýtbolshylar jattyǵýyn tamashalap, olarmen oi-pikir bólisti. Kezdesý barysynda aimaq basshysy fýtbolshylarǵa jańa jeńis tiledi.
«Qazir stadiondy qaita jańǵyrtý sapa standarty talaptaryna sai óz deńgeiinde júrgizilýde. Sondai-aq, kelesi jyly sol jaǵalaýda 3500 orynǵa arnalǵan jabyq alańnyń qurylysy bastalady», - dedi aimaq basshysy.
Eske sala keteiik, «Qaisar» komandasy búginde el birinshiliginde sońǵy ainalym oiyndaryn ótkizip keledi. Sońǵy týrda óz alańynda qaraǵandylyq «Shahterden» basym tústi. Qorytyndy 3 ainalym boiynsha búginde 4 match ótkizip, oiynshylar 7 upaiǵa ie boldy. Alda taǵy 7 oiyn bar. Týrnir kestesinde «Qaisar» jetinshi orynda tur.
Fýtbol maýsymy ashylar tusta oblys ákimi olardyń aldyna el birinshiliginde keminde besinshi oryn alý mindetin júktegen edi. Biyl «Qaisar» klýbynyń qurylǵanyna 50 jyl tolady. Komanda 1968 jyly alǵashqy resmi oiynyn ótkizgen edi.
