Qyzylordada saǵatyna 230 shaqyrym jyldamdyqpen kólik basqarǵan júrgizýshi jazaǵa tartyldy, dep habarlaidy QazAqparat.
Bul oqiǵa 10 sáýir kúni tirkelgen. Ol boiynsha áleýmettik jelide avtokóliktiń jyldamdyǵyn asyrý deregi boiynsha beinejazba jariialanǵan.
Oqiǵaǵa bailanysty oblystyq politsiia departamenti túsinikteme berdi.
«Oblys ortalyǵyndaǵy N.Nazarbaev dańǵylynda Kirister departamenti tusynda ornalasqan «Arkan» statsionarly jyldamdyq ólshegish qurylǵysyna saǵat jergilikti ýaqytpen 06:05-te «Mercedes benz» úlgisindegi avtokóligimen saǵatyna 230 shaqyrym jyldamdyq asyrý deregi anyqtaldy. Bul boiynsha QR Ákimshilik quqyq buzýshylyq týraly kodeksiniń 592-babynyń 3-bóligine sáikes uiǵarym shyǵaryldy. Oǵan 20 AEK (61260 teńge) kóleminde aiyppul salynyp, ol óndirilip alyndy», - dep jazylǵan habarlamada.
