Syrdariianyń sol jaǵalaýynda burynǵy Qazaq Ortalyq Atqarý komiteti ǵimaratynyń syzbasy boiynsha qurylysy qaita salyndy. Bul týraly Qyzylorda oblysynyń ákimi Qyrymbek Kósherbaev Ortalyq kommýnikatsiialar qyzmetinde «Rýhani jańǵyrý» baǵdarlamasynyń aimaqta oryndalý barysy týraly ótken baspasóz konferentsiiasynda málimdedi.
Ǵimarat ishinde Rýhani jańǵyrý ortalyǵy men murajai ornalasatyn bolady. Nysannyń qurylysy tolyq aiaqtaldy, jaqyn kúnde ortalyq paidalanýǵa beriletin bolady.
«Syrdariianyń sol jaǵalaýynda burynǵy Qazaq Ortalyq Atqarý komiteti ǵimaratynyń syzbasy boiynsha rýhani jańǵyrý ortalyǵynyń qurylysy qaita salyndy. Onda 1925 jyly etnosty «Qazaqtar» dep ataý týraly tarihi sheshim qabyldanǵan bolatyn. Jańa ǵimaratta rýhani jańǵyrý ortalyǵy men murajai ornalastyrylady», - dedi aimaq basshysy.
Odan bólek, Syrdariianyń sol jaǵalaýynda Jastar resýrstyq ortalyǵynyń qurylysy júrgizilip jatyr. Atap óteiik, búginde oblysta aýyldyq jerdegi jastarmen jumys isteitin 9 jastar resýrstyq ortalyq jumys isteidi. Máselen, ortalyqtarda shet tilderi men sheshendik sheberlik kýrstary uiymdastyrylǵan.
