سىردارييانىڭ سول جاعالاۋىندا بۇرىنعى قازاق ورتالىق اتقارۋ كوميتەتٸ عيماراتىنىڭ سىزباسى بويىنشا قۇرىلىسى قايتا سالىندى. بۇل تۋرالى قىزىلوردا وبلىسىنىڭ ەكٸمٸ قىرىمبەك كٶشەرباەۆ ورتالىق كوممۋنيكاتسييالار قىزمەتٸندە «رۋحاني جاڭعىرۋ» باعدارلاماسىنىڭ ايماقتا ورىندالۋ بارىسى تۋرالى ٶتكەن باسپاسٶز كونفەرەنتسيياسىندا مەلٸمدەدٸ.
عيمارات ٸشٸندە رۋحاني جاڭعىرۋ ورتالىعى مەن مۇراجاي ورنالاساتىن بولادى. نىساننىڭ قۇرىلىسى تولىق اياقتالدى, جاقىن كٷندە ورتالىق پايدالانۋعا بەرٸلەتٸن بولادى.
«سىردارييانىڭ سول جاعالاۋىندا بۇرىنعى قازاق ورتالىق اتقارۋ كوميتەتٸ عيماراتىنىڭ سىزباسى بويىنشا رۋحاني جاڭعىرۋ ورتالىعىنىڭ قۇرىلىسى قايتا سالىندى. وندا 1925 جىلى ەتنوستى «قازاقتار» دەپ اتاۋ تۋرالى تاريحي شەشٸم قابىلدانعان بولاتىن. جاڭا عيماراتتا رۋحاني جاڭعىرۋ ورتالىعى مەن مۇراجاي ورنالاستىرىلادى», - دەدٸ ايماق باسشىسى.
ودان بٶلەك, سىردارييانىڭ سول جاعالاۋىندا جاستار رەسۋرستىق ورتالىعىنىڭ قۇرىلىسى جٷرگٸزٸلٸپ جاتىر. اتاپ ٶتەيٸك, بٷگٸندە وبلىستا اۋىلدىق جەردەگٸ جاستارمەن جۇمىس ٸستەيتٸن 9 جاستار رەسۋرستىق ورتالىق جۇمىس ٸستەيدٸ. مەسەلەن, ورتالىقتاردا شەت تٸلدەرٸ مەن شەشەندٸك شەبەرلٸك كۋرستارى ۇيىمداستىرىلعان.
