Foto: gov.kz
Qyzylordada 16 jastaǵy stýdent jataqhanadan óli tabyldy. Oqiǵa boiynsha politsiia qylmystyq is qozǵaǵanyn oblystyq politsiia departamenti habarlady.
Telegram jelisindegi «Kriminalnyi Kazahstan» arnasynyń málimetinshe, marqumnyń týystary ony joǵary kýrs stýdentteri soqqyǵa jyqqan bolýy múmkin dep kúdiktenedi. Jaqyndarynyń aitýynsha, úshinshi kýrs stýdentteriniń bir toby kámeletke tolmaǵan jasóspirimge kúsh qoldanǵan, keiin oqiǵany jasyrýǵa áreket jasaǵan.
Marqumnyń ápkesi jasóspirimniń denesinde jaraqat izderi bolǵanyn, ony dáliz arqyly súirep, keiin bólmege jasyrǵanyn aitqan.
Al ákesiniń aitýynsha, tómengi kýrs stýdentteri jataqhanadaǵy sport zalyna jii shaqyrylyp, qysym kórip otyrǵan.
Qaitys bolǵan stýdenttiń týystary oqiǵaǵa qatysy bar tulǵalarmen qatar, jataqhanadaǵy qaýipsizdikke jaýapty qyzmetkerlerdiń de jaýapkershiligin tekserýdi talap etip otyr.
Qazirgi ýaqytta oqiǵanyń mán-jaiyn anyqtaýǵa baǵyttalǵan tergeý amaldary júrgizilýde.
