Qyzylordada tegin palaý taratý halyqtyń qaqtyǵysýymen, tóbelesimen aiaqtalyp, aspaz jaraqat aldy, - dep habarlaidy Tengrinews.kz agenttigi Inbusiness.kz portalyna silteme jasap.
Palaý qala kúnine orai uiymdastyrylǵan is-sharada daiyndaldy. Osyǵan orai oblys ákimdigi irgesindegi Syr-ana alańynda óńirdegi kúrish ósirýmen ainalysatyn iri seriktestik "Abai Dáýlet" JShS palaý jarysyn uiymdastyrǵan.
Uiymdastyrýshy 2 tonna et, 1 tonna kúrish, 1 tonna sábiz, 500 keli piiaz jáne júzdegen litr mai bólgen. Tamaqty jergilikti turǵyndar ǵana emes, sonymen qatar basqa qalalardan kelgen aspaz daiyndady, tipti Ózbekstannan kelgen qatysýshylar da boldy.
Eki platformada 40 qazan boldy. Perimetr boiynda politsiia men Ulttyq ulan sarbazdary boldy. Tártip saqshylary bolmasa, aspazdar ár ýchaskeni qorshap alǵan adamdardan qorǵana almas edi. Tamaqty úlestirer aldynda kópshilik arasynda janjal shyǵyp, tóbeles bolǵan. Eresekter, qarttar, balalar qazandarǵa jaqyn bolý úshin bir-birin itergen.
Qazylar alqasynyń músheleri adamdardyń arasynan áreń ótti. Jýrnalister bir kezde bireýler aspaz áieldiń basynan shómishpen urǵanyn aitady. Oǵan jedel járdem shaqyrylǵan.
Syr-ana munarasynyń mańynda jaiylǵan dastarqannan halyq as ishý úshin palaý plastik ydystarǵa salynyp, taratylady dep josparlanǵan bolatyn. Biraq minýt ótken saiyn kórermenniń shydamy taýsylǵan. Ystyq aýa raiy da áser etken bolýy múmkin.
"Halyq palaý salynǵan paketter men ydys-aiaqtardy tarata bastaǵanda, tegin tamaqqa talasqandar aiǵai-shý, tóbeles shyǵardy. Halyq ústelder men qorshaýlardy attap óte bastady. Politsiiaǵa kómektesý úshin qosymsha kúsh keldi", - dep sipattady oqiǵany jýrnalister.
Qaqtyǵys kezinde 20 shaqty bala joǵalyp ketken.
Palaýdy taratýǵa bir saǵattan asa ýaqyt ketken. Halyq tynyshtalyp, tamaqtandy. Keiin aspazdar marapattalypty.
