Foto ashyq derekkózden alyndy
Qyzylorda soty Gúlmira Satybaldyny 8 jylǵa bas bostandyǵynan aiyrdy, - dep habarlaidy "Ult aqparat" sottyń baspasóz qyzmetine silteme jasap.
"Qyzylorda qalasynyń №2 sotynda adamdar tobynyń aldyn-ala sóz bailasýy arqyly senip tapsyrylǵan bóten múlikti talan-tarajǵa salyp, asa iri mólsherde jymqyrǵan (QK-niń 189-baby 4-bóliginiń 2-tarmaǵy) 7 sottalýshyǵa qatysty qylmystyq is qaraldy.
Sottalýshy S. 2018-2020 jyldar aralyǵynda Qyzylorda qalasyndaǵy Syrdariia ózeniniń sol jaǵalaýyn jylýmen jabdyqtaý jobasy boiynsha jumys atqarmai, aldyn-ala sóz bailasyp, senip tapsyrylǵan qarjyny asa iri mólsherde jymqyrǵany, al sottalýshylar B., J., E., Q. memlekettik fýnktsiialardy oryndaýǵa ýákilettik berilgen tulǵalar bola tura, aldyn-ala sóz bailasyp, ózderiniń qyzmet babyn paidalanyp, senip tasyrylǵan bóten múlikti asa iri mólsherde talan-tarajǵa salý arqyly jymqyrǵany, sottalýshylar D. men B. atqarylmaǵan jumystarǵa ótkizý aktisin jasaqtap qol qoiǵandary anyqtaldy" - delingen habarlamada.
Sottalýshylardyń qylmystyq is-áreketinen memleketke 441 mln. teńge ziian keltirilgen.
Olardyń kinási sottalýshy B.-nyń kináni moiyndaý týraly aryzymen, qurylys nysanyna qatysty júrgizilgen sot-taýartaný jáne sot-ekonomikalyq saraptamalarymen, «A» JShS-niń býhgalteri, esepshisi, quryltaishylarynyń bettestirý jaýaptarymen dáleldengen.
Prokýror sottalýshy S.-ny – 8 jyl, B., J., E., Q. – 7 jylǵa bas bostandyqtarynan aiyrýdy, al D. men B.-ǵa – 7 jyl shartty jaza berýdi surady. Al sottalýshylardyń advokattary olardy aqtaýdy surady.
Jalpy mundai qylmys úshin QK 189-baby 4-bóligi 2-tarmaǵynyń sanktsiiasynda 7 jyldan 12 jylǵa deiin bas bostandyǵynan aiyrý jazasy kózdelgen.
"Sottalýshy S. QK-niń 189-baby 4-bóliginiń 2-tarmaǵynda kózdelgen qylmysty jasaǵany úshin kináli dep tanylyp, 8 jylǵa bas bostandyǵyn aiyrý jazasy taǵaiyndaldy.
Sottalýshy S.-ǵa biylǵy 4 mamyrda Astana qalasy Baiqońyr aýdandyq №2 soty 7 jyl úkim kesken bolatyn. Osyny eskere otyryp, QK 58-baby 3,6-bólikterine sáikes, qatań emes jazany neǵurlym qatań jazaǵa almastyrý arqyly túpkilikti jaza retinde 8 jylǵa bas bostandyǵyn aiyrý jazasy taǵaiyndaldy.
Sottalýshylar B., J., E. jáne Q.-ǵa ómir boiyna memlekettik qyzmette laýazym atqarý quqyǵynan aiyra otyryp, 7 jylǵa bas bostandyǵyn aiyrý jazasy taǵaiyndaldy.
Al B. jáne D.-ǵa 7 jylǵa bas bostandyǵyn aiyrý jazasy taǵaiyndaldy. Jeńildetetin mán-jai baryn, aýyrlatatyn mán-jai joǵyn eskerip, taǵaiyndalǵan jaza QK-niń 63 babyna sáikes shartty dep belgilendi" - delingen habarlamada.
Memleketke keltirilgen 441 mln. teńge shyǵyn tolyqtai óndirilip, qalpyna keltirilgen.
Sot úkimi zańdy kúshine engen joq.
