3D-kartaǵa qola dáýirinen búgingi kúnge deiingi 150 eskertkishtiń virtýaldy úlgileri - 60 arheologiia eskertkishi jáne 90 sáýlet eskertkishi kiredi.
Qyzylorda oblysynyń aýmaǵynda 30 respýblikalyq jáne 256 jergilikti mańyzǵa ie 286 eskertkish bar.
"Bul - Ortalyq Aziia úshin tarihi jáne mádeni eskertkishterdi qalpyna keltirýge baǵyttalǵan biregei joba. Eń ozyq jabdyqtar men tehnologiialardyń kómegimen barlyq nysandardyń qujattamasy daiyndalǵan. Osylaisha tanymdyq tarihi anyqtama ǵana emes, eskertkishterdi egjei-tegjeili zertteýge arnalǵan asa dáldikke negizdelgen qural bolmaq. Bolashaqta eskertkishterdiń derekter bazasy keńeitiledi. Oqýshylar men stýdentterdi kvest jáne basqa da oiyn túrleri arqyly tartý úshin baǵdarlamalyq ónimdi ázirleýdi josparlap otyrmyz. Qazir túrik áriptesterimiz qyzyǵýshylyq tanytýda", - dedi joba avtory, Halyqaralyq Ortalyq Aziia zertteý institýtynyń direktory Dmitrii Voiakin.
Dmitrii Voiakinniń aitýynsha, 3D-kartany daiyndaý kezinde eskertkishterdiń dáldigi joǵary úsh ólshemdi úlgilerin jasaý úshin 70 000 000-nan astam poligon ázirlendi.
"Aimaqtyń mádeni eskertkishteriniń 3D-kartasy - «virtualmap.xyz» interaktivti veb - resýrsyn qurý úshin 33 000-nan astam sýret, ejelgi qalashyqtardaǵy 4000-nan astam sýret, 40 000-nan astam aerofotosýretter jáne 13 saǵattan asatyn pilotsyz ushý apparattarynan beine túsirilimder men 450-den asa jáne jerden 1000-nan astam panoramalyq sýret jasaldy", - dedi D.Voiakin.
Karta arnaiy saitta usynylatyn bolady. Qazirgi ýaqytta tolyqtyrý jumystary júrgizilýde, 2019 jyldyń qańtar aiynda qoljetimdi bolady dep josparlanýda.
