Aýylsharýashylyǵy salasynyń qyzmetkerlerin marapattaý rásimine orai aimaq basshysy Q.Kósherbaev «Qurmet» ordeniniń kavaleri, Sotsialistik eńbek eri, 11 bala tárbielep ósirgen Batyr ana - Sálima Jumabekovaǵa jańa úidiń kiltin tabystady.
Búgin Qyzylordada egin jinaý naýqanynyń aiaqtalýyna orai merekelik is-sharalar ótýde. Saltanatty sharada oblys ákimi aýylsharýashylyǵy salasynyń qyzmetkerlerin egin jinaý naýqanynyń sátti aiaqtalýymen quttyqtap, sala boiynsha úzdik qyzmetkerler men ardagerlerdi marapattady.
"Altyn dán" - bul eńbek merekesi bolǵandyqtan, sotsialistik eńbek eri, 11 bala tárbielep ósirgen Batyr ana, Ybyrai Jaqaevtyń shákirti-Sálima Jumabekovany marapattaý rásiminen bastaý kerek dep sanaimyn. Syr elin "Alashtyń anasy" dep ataidy, al Sálima Jumabekqyzyn "Syr anasy" dep ataýǵa bolady", - dei kele aimaq basshysy Sálima Jumabekovaǵa jańa úidiń kiltin tabystady.
Óz kezeginde, osy ýaqytqa deiin kópqabatty úide turyp kelgen Sálima apa oblys basshylyǵyna qamqorlyǵy men jańa keń baspanasy úshin alǵysyn bildirdi.
Sálima Jumabekova 1935 jyly 25 tamyzda Qyzylorda oblysy, Qarmaqshy aýdany, Lenin aýylynda (1997 jyldan bastap – Turmaǵambet aýyly) dúniege kelgen. KSRO Joǵarǵy Keńesiniń depýtaty bolǵan, sondai-aq, ózi týǵan aýylda aýyldyq keńesti basqarǵan.
2008 jyly oblysqa jasaǵan sapary barysynda Memleket basshysy Nursultan Nazarbaev Syr eliniń aýylsharýashylyǵyn damytýǵa qosqan zor úlesi úshin birqatar ardager-áielderge jańa páterdiń kiltin tabystaǵan bolatyn. Olardyń qatarynda Sálima Jumabekova da boldy.
