Qyzylorda oblysyndaǵy aýyldardyń birinde jappai tóbeles boldy, - dep habarlaidy Tengrinews.kz saity.
Oqiǵa kadrlary áleýmettik jelide jariialandy. Video sipattamasynda tóbeles Qazaly aýdanynda bolǵany aitylǵan.
Quqyq qorǵaý organdary málimetinshe, 26 naýryzda túngi saǵat 2 shamasynda Qazaly aýdandyq politsiia bólimine habarlama kelip túsken. Onda túnde Áiteke bi kentindegi Pirimov kóshesinde shý shyǵarǵan bir top adam týraly aitylǵan.
"Oqiǵa ornyna jedel túrde politsiia jasaqtary jetti, qabyldanǵan jedel sharalar nátijesinde segiz adam politsiia bólimine jetkizildi, qalǵandaryn anyqtaý jumystary júrgizilip jatyr.
Zardap shekkender joq. Politsiiaǵa shaǵymdar men aryzdar túsken joq", - dedi politsiiadaǵylar.
Derek Qylmystyq kodekstiń 293-baby 2-bóligi 1-tarmaǵy boiynsha Sotaldy tergep-tekserýdiń biryńǵai tizilimine tirkelgen. Qazir tergeý amaldary júrgizilip jatyr.
"Aýdanda qoǵamdyq tártipti qamtamasyz etý maqsatynda patrýldik politsiia men ýchaskelik inspektorlar kúsheitilip, profilaktikalyq jumystar júrgizilip jatyr. Qylmystyq ahýal turaqty", - dep qosty politsiia ókilderi.
