Qyzylorda oblysynda jyl basynan beri 228 myń sharshy metr turǵyn úi paidalanýǵa berilgen. Bul týraly aimaq basshysy Qyrymbek Kósherbaev oblystyq máslihat sessiiasynyń kezekti otyrysynda málimdedi.
Búginde Qyzylorda oblysynyń aýmaǵynda 1726 páterlik 42 kópqabatty turǵyn úidiń qurylysy júrgizilip jatyr, onyń 36-sy aǵymdaǵy jyly paidalanýǵa beriledi. Onyń ishinde Qyzylorda qalasyndaǵy Syrdariia ózeniniń sol jaǵalaýynda tolyq bir shaǵyn aýdan – 16 kóppáterli turǵyn úidi berý josparlanyp otyr.
«Biz biyl 2017 jylǵa qaraǵanda kem túspeitin 667 myń sharshy metr turǵyn úidi qoldanysqa engizemiz dep eseptep otyrmyz», - dedi oblys ákimi.
Sonymen qatar, biylǵy mindet - oblystaǵy halyqtyń áleýmettik osal toptaryn meilinshe qoljetimdi turǵyn úimen qamtamasyz etý.
Osy maqsatta 2017 jyly «Orda» turǵyn úi qurylysynyń Jol kartasy ázirlendi. Birinshi bolyp baǵdarlamanyń igiligin apatty jaǵdaidaǵy turǵyn úiler men jataqhana turǵyndary kóretin bolady.
