Foto: Polisia.kz
Qyzylorda oblysy Qazaly aýdanynda belgisiz bireýler tóbeles shyǵardy, - dep habarlaidy "Ult aqparat" Polisia.kz Telegram-arnasyna silteme jasap.
22 qańtar saǵat 19:30-da Qazaly aýdanyndaǵy sport klýbynyń janynda er adamdar arasynda janjal bolǵan. Oqiǵa ornyna shuǵyl túrde politsiia nariadtary men jedel-tergeý toby barǵan. Qabyldanǵan jedel sharalar nátijesinde tóbeles toqtatylyp, politsiia bólimine 8 azamat jetkizilgen.
Zardap shekkender joq. Politsiiaǵa shaǵymdar men aryzdar túsken joq.
Bul derek Qylmystyq kodekstiń 293-baby 2-bóliginiń 1-tarmaǵy boiynsha sotaldy tergeýdiń biryńǵai tiziliminde tirkelgen. Tergeý júrgizilip jatyr.
"Aýdan aýmaǵynda qoǵamdyq tártipti qamtamasyz etý maqsatynda patrýldik politsiia men ýchaskelik inspektorlardyń nariadtary kúsheitildi. Profilaktikalyq jumystar júrgizilip jatyr. Aýdandaǵy kriminogendik jaǵdai turaqty" - deidi Qazaly aýdany politsiia bólimi bastyǵynyń birinshi orynbasary Ǵanibek Qurmanaliev.
