Qyzylorda oblysynda koronavirýs indetine shaldyǵýdyń jańa oqiǵalary buǵan deiin naýqas adammen bailanysta bolǵandardan anyqtaldy, dep habarlaidy "Ult aqparat".
Soronavirus2020.kz saitynda usynylǵan sońǵy málimetter boiynsha (8 sáýir saǵat 21.15-tegi jaǵdai), Qazaqstanda koronavirýske shaldyǵýdyń jańadan 9 oqiǵasy tirkeldi. Onyń 4-eýi – Qyzylorda oblysynda anyqtalǵan.
Qyzylorda óńirinde virýsty juqtyrǵandardyń úsheýi Shieli aýdanynda, bireýi Aral aýdanynda tirkeldi. Barlyǵy da koronavirýs infektsiiasyn juqtyrǵan adammen qarym-qatynasta bolýyna bailanysty karantindik statsionarǵa jatqyzylǵan. Olardan zerthanalyq synamalar alynǵan.
«PTR diagnostikalyq zertteý qorytyndysymen COVID-19 diagnozy naqtylandy. Qazirgi tańda emdelýshilerdiń jaǵdailary qanaǵattanarlyq. Bekitilgen hattamaǵa sáikes tiisti em júrgizilýde. Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda. Aýrý oshaqtarynda epidzertteý jumystary, dezinfektsiialyq jumystar júrgizilip jatyr», - delingen Memlekettik komissiianyń shuǵyl shtaby usynǵan aqparatta.
Osy ýaqytta Qyzylorda obylsynda koronavirýs indetine shaldyqqan 76 adam anyqtaldy:
Qyzylorda qalasynda – 9,
Jańaqorǵan aýdanynda – 16,
Qarmaqshyda – 4,
Shielide – 38,
Syrdariia aýdanynda – 7,
Aral aýdanynda – 2 adam.
